Kɛlɛ-Kurugbɛnu 3:15 - ALLALA KUMƐ

^15-16 Isirɛla mɔgɛnu dira Mari dala tun. Mari ya kɛlɛ-kurugbɛ do yabɔ anu ye tun alako wo ni anu kumafunfan. A ya Kɛrala den Ehudi yabɔ ka bɔ Bɛnyamɛ bɔnsɔn rɔ. Bolo-maranna-wɔli-kɛlɛ le ale Ehudi la. Ehudi ya solomuri ladan a nyɛrɛ ye. Wola yanyɛ nunkan-nya kelen. A ya wo kiri ala kurusi kɔrɔ a bolo-nyimɛ rɔ. Isirɛla mɔgɛnu ya Mansa Ɛkilɔn sanbɛnu don ale Ehudi bolo.

Kɛlɛ-Kurugbɛnu 3:15 ပူးပေါင်းရင်းမြစ်များ

2 Samuwɛli 20:10

Kɔnɔ Amasa hɛnkili sa solomuru ma Yohabu bolo-maran rɔ. Yohabu ya a sɔgɔ a buyi rɔ. A nugi ladɛnta dugi ma. A ma wo ma iko fila. Amasa kimara yen! Wo kɔma, Yohabu anubɛ a dɔgɔ Abisayi fanan ya Siba sagaran dabira.

2 Samuwɛli 20:9

Yohabu ya Amasa kɔndɔn. A ko, “N bɔ, tana sa i la?” A ya Amasa bira a buyɛ ma a bolo nyimɛ la ka a nyɛrɛ ma iko a ye a sunbula le.

1 Ko-Kɔrɔta-Karan 12:2

Bɛnyamɛ bɔnsɔn-mɔgɛ le anu na, ado Mansa Sɔli na-kelen-nyɔgɛ le anu na fanan. Anu kusan kalabɛn lakɛla, ado anu kusan lenfiran tiila anu bolo filɛ bɛɛ la.

1 Ko-Kɔrɔta-Karan 8:3

Bɛnyamɛla den Bela ya den-kei mɔgɔ kɔnɔntɔ sɔrɔn, Adari wo, Kɛra wo, Abaihudi wo,

1 Ko-Kɔrɔta-Karan 8:5

Kɛra wo, Sefufan wo, anubɛ Huram.

2 Ko-Kɔrɔta-Karan 9:24

San-bo-san, min ba wuli tala bɔla a wara, wo si a sanba. Donu si na sɛnɛ la, donu si na wodi-gbɛ la, donu fanan si na duruku-ba la, donu si na kɛlɛ-kɛ-fan la, donu si na kɛnɛ la, donu si na soeenu na, donu si na sofɛlɛnu na anu bolo.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 78:34

A wa donu faga anu tɔ wati min, a toenu ni sɛgi a ma. Anu si tubi ka madiyali kɛ anu sɛbɛ-kuna-wɛ la.

Yaburi 90:15

I ya tɔrɔyɛ min nyɔgɔn di ma ma gbɛlɛyɛ rɔ, wo nyɔgɔn sufa sewɛ di ma ma kaka.

Hɛnkilimaya-Kumɛnu 18:16

Sanbɛ si kilɛ laka mɔgɛ ye, ado ni mɔgɔ-ba do yen-sɔgɛ ye i la, i ni a sanba fan do la.

Hɛnkilimaya-Kumɛnu 19:6

A sɔgɛ ye mɔgɔ-siyaman na, anubɛ mɔgɔ-banu ni to diyanayɛ rɔ. A sɔgɛ si mɔgɔ-siyaman bira fanan, anubɛ mɔgɔ-kɔlɛnu ni to kirabɔla.

Hɛnkilimaya-Kumɛnu 21:14

Ni wobɛ mɔgɛ do sɔsɔra, i ni i madiya a la fen-ni na dogɔn tɔ, wo si a ma, a yisi ni kimɛ.

Aiseya 36:16

A ko wo kana wo tole masɔ Hɛsakaya kɛ la. Mata mansɛ ko wo dama ni bɔ soe kɛ burɔ ka wo niyi latenbi ma ma. A ko ni wo ya wo ma, a si a ma wo rɔ, wo ni to wola ki-fen-gbɔɛnu dɔnna anubɛ wola kɔlɔntɔ-yinu minna

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Kɛlɛ-Kurugbɛnu 2:16

Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

Kɛlɛ-Kurugbɛnu 3:14

Mansa Ɛkilɔn taranta Isirɛla mɔgɛnu kuma san tan-ni-segin kɔrɔ.

Kɛlɛ-Kurugbɛnu 3:9

Isirɛla mɔgɛnu dira Mari dala. Mari ya Kelabu dɔgɔ-keminɛ Kenasila den Ɔtiniyɛli yabɔ ka ma kɛlɛ-kurugbɛ la Isirɛla mɔgɛnu ye ka anu kunka.

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.

1 Samuwɛli 10:27

Kɔnɔ mɔgɔ-karagbɛlɛ donu bi nyɔ. Wonu ya a fɔ ko, “Dennɛ kɛ si ke ma lakisila kama?” Anu yigi tɛgɛra Sɔli la, ado anu ma a sanba fenfen na. Wo bɛɛ rɔ, Sɔli ma fenfen fɔ.