Kɛlɛ-Kurugbɛnu 3:1 - ALLALA KUMƐ

^1-2 Mari ya sibolo-gbɛrɛ donu to nyɔ alako ka Isirɛla mɔgɛnu kɔrɔbɔ minnuta wati ma bɛn Kenan nyamani-kuma-kɛlɛ ma, alako ka wonu fanan karan kɛlɛ-kɛ-nya ma.

Kɛlɛ-Kurugbɛnu 3:1 ပူးပေါင်းရင်းမြစ်များ

2 Ko-Kɔrɔta-Karan 32:31

Hali Babilɔn mɔgɔ-banu nara tumɛ min ka a manyinika tamasere wo ma min bara kɛ ala nyamanɛ rɔ, Alla ya a bɔ a fɛ alako a ni a lɔn a yisi ye nya min.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Bɔ-Koe-Iyipiti 15:25

Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Yɛrɛmaya 6:27

Mari ko a ara nde, Yɛrɛmaya ma sulubondon-sɔlɛ la. A ko wole, ala mɔgɛnu mani de iko nɛgɛ ye bɔla kuri min tɔ. A ko n ni wo lakɔrɔsi tɛ wo rɔ ni nɛgɛ le wole la.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Yɔni 2:24

Kɔnɔ Yisa ma a nyɛrɛ latenbi anu ma bawo a ya mɔgɛ bɛɛ sɔndɔmɛ lɔn tɛrr!

Tɔn-Fɔɛ-Fila-Nyɔgɛ 7:22

A si to sibole wonu gbenna wo yarɔ doni-doninyɛ ma. A ti mɔgɛ wonu faga wo yarɔ latiriya-bole ma. Ni a ya wo ma, sogo-feremɛnu si siyaya nyamanɛ wo rɔ ka ma setanɛ la wo ye.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.

Lankɛnimayɛ 2:23

N si a gba-fɛ-bilalɛnu fanan faga. Nba, chɔchi bɛɛ si a lɔn wo rɔ ko nde le ya mɔgɛnu miriya anubɛ anu kɔntɔ-koenu lɔn. N si wo kelen-kelennamɛ-bɛɛ sara iko wola kɛwɔlɛnu bi nya min.

Kɛlɛ-Kurugbɛnu 1:1

Yasowata fagɛ kɔmɛ, Isirɛla mɔgɛnu ya Mari manyinika, anu ko, “Ma bɔnsɔn nyamintan fɔlɔn si ta Kenan kɛ-toenu kɛlɛ tinɛ?”

Kɛlɛ-Kurugbɛnu 2:10

Isirɛla mɔgɛ minnu ya Marita kabana-koenu yen anu yɛ la, wonu fagara tumɛ min, anuna dan minnu ma Marita kabana-koe wonu yen, wonu ma Mari bato-nya lɔn.

Kɛlɛ-Kurugbɛnu 2:23

Wola ko la, Mari sɔnta sibolo-gbɛrɛ wonu to-koe ma Isirɛla nyamanɛ rɔ. A ma sibolo-gbɛrɛ wonu nɔ-sɛnbɛ di Yasowa ma nun. Yasowa faganɛ fanan, Mari ma anu gben.