Kɛlɛ-Kurugbɛnu 21:6 - ALLALA KUMƐ

⁶ Kɔnɔ hali wo, anu nimisanɛ anu na-kelen-nyɔgɛ Bɛnyamɛ bɔnsɔn-mɔgɛnuna ko la. Anu bi a fɔla ko, “Ma ara foo Isirɛla bɔnsɔn kelen na bi.

Kɛlɛ-Kurugbɛnu 21:6 ပူးပေါင်းရင်းမြစ်များ

2 Samuwɛli 2:26

Abina ya Yohabu rakele, a ko, “A sɔgɛ ye i la, ma ni to kɛlɛ kɛla burubukai? I ma a lɔn ko kɛlɛ-laban ma fenfen na fɔ koninteyɛ? I ti a fɔ ila keminɛnu ye ko anu ni fara ma la, ado ma dama na-kelen-nyɔgɔma-gbansan de?”

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Kɛlɛ-Kurugbɛnu 11:35

Yɛfɛta ya ala dunmusi wo yen tumɛ min, a ya ala duruki rafara yisi-tinya bolo. A ko, “E, nna den, i wara a ma, n yisi ara tinya. N bara n dakan-don Mari ye n ti ke min tinyana.”

Kɛlɛ-Kurugbɛnu 21:15

Hali wo, anu na-kelen-nyɔgɛ wonu kinikinita anu ma tun bawo Mari ya a ma, woe ara to Isirɛla mɔgɛnu tɛma.

Kɛlɛ-Kurugbɛnu 21:5

Anu ya a fɔ ko, “Isirɛla mɔgɔ yon tora min ma kofu ma ma ladɛn rɔ Mari yakɔrɔ Misipa soe burɔ? Ma ma a fɔ wo wati rɔ ko ni mɔgɛ min ma ta ladɛn wo rɔ, ma si wo tigi faga?”

Kɛlɛ-Kurugbɛnu 21:7

Bɛnyamɛ bɔnsɔn-mɔgɛ toe minnu tora, ma si ke musi dila wonu ma kama bawo ma ara ban ma datola nun ko ma ti mala dunmusinu di anu ma?”