Kɛlɛ-Kurugbɛnu 21:5 - ALLALA KUMƐ

⁵ Anu ya a fɔ ko, “Isirɛla mɔgɔ yon tora min ma kofu ma ma ladɛn rɔ Mari yakɔrɔ Misipa soe burɔ? Ma ma a fɔ wo wati rɔ ko ni mɔgɛ min ma ta ladɛn wo rɔ, ma si wo tigi faga?”

Kɛlɛ-Kurugbɛnu 21:5 ပူးပေါင်းရင်းမြစ်များ

Yɛrɛmaya 48:10

Dankɛ ye wo tigi ma min sa sɔnna Marita wɔlɛ kɛla a sɛnbɛ la. Dankɛ ye wo tigi ma min ti sɔn yele ni don ala faan ma.

Kɛlɛ-Kurugbɛnu 21:1

Kɔnɔ yanni Isirɛla bɔnsɔn tan-ni-kelan ni kɛlɛ dabira, anu ya anu kundɛn kan-tina-kelen Misipa soe burɔ nun. Anu dama kunta kan kelen ma nyɔ ka anu nyɛrɛ ladanka, anu ko, “Male bɔnsɔn tan-ni-kelan kɛ, mɔgɔ-wo-mɔgɔ kana ala dunmusi di Bɛnyamɛ bɔnsɔn-mɔgɛ ma.”

Kɛlɛ-Kurugbɛnu 21:18

Ma ti ke mala dunmusinu dila anu ma bawo ma ara ma nyɛrɛ ladanka. Ma ko ma ti mala dunmusinu di Bɛnyamɛ bɔnsɔn ma.”

Kɛlɛ-Kurugbɛnu 21:6

Kɔnɔ hali wo, anu nimisanɛ anu na-kelen-nyɔgɛ Bɛnyamɛ bɔnsɔn-mɔgɛnuna ko la. Anu bi a fɔla ko, “Ma ara foo Isirɛla bɔnsɔn kelen na bi.

Kɛlɛ-Kurugbɛnu 5:23

Marita melika ko, ‘Merɔsi so-burɔ-mɔgɛnu si gbalo sɔrɔn bawo anu ma ta Marita mɔgɛnu dɛnbɛn tinɛ kɛlɛ rɔ.’ ”

1 Samuwɛli 11:7

A ya sara-ninki fila bi ka wonu tatɛgɛtɛgɛ. A ya ninki-sogo-kundi wonu bi ka wonu don kilayɛnu bolo ka anu nata anu na-kelen-nyɔgɛnu ma Isirɛla nyamanɛ wo kan tinɛ bɛɛ rɔ. A ya kumɛ sa sogo-kundi wonu kuma ko, “Ni mɔgɛ min ma ta nde, Mansa Sɔli anubɛ Samuwɛli fɛ, ma si wo tigita sara-ninki ratɛgɛtɛgɛ iko sara-ninki kɛ ratɛgɛtɛgɛnɛ nya min.” Anu ya anu kundɛn kan-tina-kelen bawo anu kilannɛ Mari la.

1 Samuwɛli 14:24

Kɔnkɛ ya Isirɛla kɛlɛ-dannu mankulan bɔ anu ma wulɔn bawo Mansa Sɔli ara anu nadanka wulɔn ko, “Fananta n ma ban n yogenu nɔla, mɔgɔ-wo-mɔgɔ kana na dɔn-fan bila a dɛ rɔ bi tele rɔ.” Woletɔ mɔgɔ-wo-mɔgɔ ma dɔn-fen bila a dɛ rɔ wulɔn tele kelan.