Kɛlɛ-Kurugbɛnu 21:19 - ALLALA KUMƐ

¹⁹ Anu ya a fɔ ko, “Ma si ladiyɛ min kɛ Mari ye san la Sailo soe burɔ, wo wati ara gbɛrɛn.” (Sailo kɛ, a ye Bɛtɛli soe kan tɔ le, Lɛbona soe dugu la. Kilɛ min bi Bɛtɛli soe anubɛ Sɛkɛm soe tɛma, Sailo ye wo tele-bɔɛ wara la le.)

Kɛlɛ-Kurugbɛnu 21:19 ပူးပေါင်းရင်းမြစ်များ

Yaburi 81:3

Buru-fɛ ni a yira ko karɛ-kura-ladiya-wati ara ke. Karɛ wa kɔgɔ, ma si ladiyɛ kɛ tun.

Saraka-Masɔlɛnuta Tɔnnu 23:4

Ma si na ladɛn donu kɛ wati do kɔnɔ ma ye wonu mala wati min, wo le kɛnu na.

Saraka-Masɔlɛnuta Tɔnnu 23:6

Karɛ wo tele tan-ni-loli nyɔgɛ ma, ma si Biredi-Yɛlɛbɛlɛ-Dɔn-Ladɛn fanan kɛ. Tele wɔrɔnfila kɔrɔ, ma ye biredi-yɛlɛbɛlɛ kɛ dɔnna isiti sa a rɔ.

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”

Yilan-Yilan Koe 28:16

“San-bo-san, a karɛ fɔlɔtɛ tele tan-ni-nanɛ ma, wo si Kanan-Ko-Ladiyɛ kɛ Mari ye.

Yilan-Yilan Koe 28:26

“Wo wa Dɔn-Fen-Kurɛ-Ladɛn tɛgɛ kɛ, wo si wola dɔn-fen-kun-fɔlɛnu ma kɔ-fan la Mari ye. Wo ni wo fara wo nyɛrɛta wɔlɛ la ka Mari bato wo tele nyɛrɛ rɔ.

Yilan-Yilan Koe 29:12

“Ka a fɔlɔ karɛ wɔrɔnfilɛ kɛ tele tan-ni-loli ma ha ka a sigi a tele mogan-ni-fila nyɔgɛ ma, wo kana wɔlɛ mumɛ kɛ. Wo si wo ladɛn ka Mari bato lɔgɔkun kelan wo kɔrɔ.

Yɔni 5:1

Wo kɔma, Yahudiyanuna dina ladiyɛ do kɛra Yerusalɛm. Yisa tara nyɔ.

Yɔni 7:2

Nba, wo ya a taran, Yahudiyanuna Lele-Sɔɛ-Ladɛn ara gbɛrɛn nun.

Tɔn-Fɔɛ-Fila-Nyɔgɛ 16:1

Musa ya Mari kuman-kan latenbi Isirɛla mɔgɛnu ma ko, “Wo dama si Kanan-Ko-Ladiyɛ kɛ Abibu karɛ ma. Mari ya wo labɔ yɔɔnyɛ rɔ Iyipiti nyamanɛ rɔ suyi rɔ karɛ wo le la. Wo ni kɛ ma ka wota Mari Alla gbiliya.

Tɔn-Fɔɛ-Fila-Nyɔgɛ 16:10

A segin nyɔgɛ ma, wo ni ta wola hɛnikɛ kɔ-fan wonu na Mari ye iko a ye bɛɛ kɔla nya min. Wo ni Dɔn-Fen-Kun-Fɔlɛ-Ladɛn kɛ ka wota Mari Alla gbiliya wo wati rɔ.

Tɔn-Fɔɛ-Fila-Nyɔgɛ 16:13

“Wo wa ban wola dɔn-fan wo bɛɛsi ladɛnna wola bɔnnu na tumɛ min, wo si Lele-Sɔɛ-Ladɛn kɛ. Wo si lelenu sɔ ka to kila wonu kɔrɔ tele wɔrɔnfila kɔrɔ.

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.

Kɛlɛ-Kurugbɛnu 18:31

Allata Fani-Bɔn taranta Sailo soe burɔ wati mumɛ kɛ bɛɛ rɔ. Maikata bɛsɛ kɛ fanan taranta Dan bɔnsɔnnu bolo nyɔ.

Kɛlɛ-Kurugbɛnu 21:20

Bɛnyamɛ bɔnsɔn-kei minnu ma musi sɔrɔn bɛ wo la, anu ya a fɔ wonu ye ko, “Wo ta wo dogon nɔnbɔ-sɛnɛ rɔ Sailo soe kɔma. Wo ni wo yɛ bɛn. Ni sunkurɔn minnu bi dɔn-kɛ-tinɛ ladiyɛ wo kuma, wo ni wonu bira ka ta wonu na wo bolo wo warɛ nyamanɛ rɔ. Wo kelen-kelennamɛ-bɛɛsi ye a mala wo nya na le.

1 Samuwɛli 1:3

San-bo-san, Ɛlakena si bɔ Rema ka ta Mari Sɛnbɛ-Bɛɛ-Tigi bato tinɛ Sailo soe burɔ ka sarakɛnu bɔ a ye nyɔ. Wo wati rɔ, Saraka-Masɔla-Kun-Tigi-Wɛ Ilayita den kemini filɛ Hɔfini anubɛ Finihasi taranta saraka-masɔ-wɔli kɛla nyɔ Mari ye.