Kɛlɛ-Kurugbɛnu 21:13 - ALLALA KUMƐ

¹³ Isirɛla bɔnsɔn tan-ni-kelan ya kilayɛ lata Bɛnyamɛ mɔgɛ toenu ma minnu bi Rimɔn farɛ wara la ka a fɔ anu ye ko, “A sɔgɛ ye ma la ka kɛlɛ ban ma tɛma ka to yisi-kimɛ rɔ.”

Kɛlɛ-Kurugbɛnu 21:13 ပူးပေါင်းရင်းမြစ်များ

Aiseya 57:19

Min nimisanɛ, wonu si a matɔgɔ. A ko minnu fɛ-yan a la wo, minnu fɛ-wuru a la wo, a ko a si yisi-kima-bɛrɛbɛrɛ anubɛ kɛndɛyɛ di wonu ma.

Luka 10:5

Wo wa don minna bɔn la tumɛ min, wola kuma-fɔlɔn ni ma, ‘Yisi-kimɛ ni to bɔn kɛ la.’

Ɛfɛsa 2:17

Woletɔ Kirasiti ara kibara-nyimɛ-kawandili bɔ mɔgɛ bɛɛ ye. I mara sibolo-gbɛrɛ la min fɛ-yan Alla la nun wo, i mara Isirɛla mɔgɛ la min fɛ-ma-yan a la nun wo, kibara-nyimɛ ye ma filɛ bɛɛ ye.

Tɔn-Fɔɛ-Fila-Nyɔgɛ 20:10

“Wo wa ta mɔgɛ minnu kɛlɛ tinɛ soe do burɔ, wo ni fɛrɛ di anu ma, anu ni dɛgɛ min wo ye.

Yasowa 15:32

Lɛbeyoti, Silihimi, En, anubɛ Rimɔn. A damasi lakofunɛ, so mogan-ni-kɔnɔntɔ, anu dafɛ-so- nɛnu bɔnɛ a la.

Kɛlɛ-Kurugbɛnu 20:45

A toe wonu ya anu buri ka ta kan tinɛ do rɔ Rimɔn farɛ dafɛ wulɛ rɔ. Wonu burimatoe ye tala nyɔ, anu ya mɔgɔ waga loli (5,000) faga anu tɔ kilɛ la tun. Isirɛla kɛlɛ-dannu tara anu sagaranna ha Kidɔm soe burɔ. Anu ya mɔgɔ waga fila faga (2,000) anu tɔ tun kilɛ wo la.

Kɛlɛ-Kurugbɛnu 20:47

Mɔgɔ kɛmɛ wɔrɔ (600) pe wonu denu kera anu burila ka ta ha Rimɔn farɛ wo dafɛ wulɛ rɔ. Karɛ nani wonu siginɛ nyɔ.

Kɛlɛ-Kurugbɛnu 21:12

Anu ban mɔgɛnu fagala nyɔ, anu nara sunkurɔn mɔgɔ kɛmɛ nani (400) na Sailo soe burɔ min bi Kenan nyamanɛ rɔ.

Kɛlɛ-Kurugbɛnu 21:14

Wonu ya kumɛ wo lamɔɛn tumɛ min, anu sɛgira anuna nyamanɛ rɔ. Bɔnsɔn tan-ni-kelan ya sunkurun mɔgɔ kɛmɛ nanɛ wonu bi ka wonu di Bɛnyamɛ mɔgɛnu ma. Kɔnɔ wonu ma a bɔ wonu bolo.