Kɛlɛ-Kurugbɛnu 20:48 - ALLALA KUMƐ

⁴⁸ Isirɛla bɔnsɔn tan-ni-kelan kɛnu yisi ma sa. Anu sɛgira basanna Bɛnyamɛ nyamanɛ la. Anu ya mɔgɛ bɛɛsi faga, kei wo, musi wo, anubɛ anuna kolo-fannu. Anu ya anuna soe bɛɛsi mintan tɛrr Bɛnyamɛ nyamanɛ rɔ.

Kɛlɛ-Kurugbɛnu 20:48 ပူးပေါင်းရင်းမြစ်များ

2 Ko-Kɔrɔta-Karan 25:13

Anu bi wo kun na tumɛ min, Mansa Hamasa ya Isirɛla kɛlɛ-dan minnu masan nun, a ma sɔn minnu ta-koe ma kɛlɛ rɔ, kɔni, wonu tara bui Yuda soe donu ma minnu bi Samariya soe anubɛ Bɛti-Hɔrɔn soe tɛma. Anu ya Yuda mɔgɔ waga sawa (3,000) faga nyɔnu tɔ. Anu ya fen-siyaman bi.

Hɛnkilimaya-Kumɛnu 18:19

Ni mɔgɛ ya a na-kelen-nyɔgɛ yisi-tinya-koe ladan, wo burɛ-lɔn-koe gbɛlɛ a bolo iko tarɛ mininɛ soe min ma. Ala diminyɛ si ma wo tɛma iko tarɛ min dɛ latogonnɛ nɛgɛ-kankan la.

Kɛlɛ-Kurugbɛnu 20:47

Mɔgɔ kɛmɛ wɔrɔ (600) pe wonu denu kera anu burila ka ta ha Rimɔn farɛ wo dafɛ wulɛ rɔ. Karɛ nani wonu siginɛ nyɔ.

Kɛlɛ-Kurugbɛnu 21:1

Kɔnɔ yanni Isirɛla bɔnsɔn tan-ni-kelan ni kɛlɛ dabira, anu ya anu kundɛn kan-tina-kelen Misipa soe burɔ nun. Anu dama kunta kan kelen ma nyɔ ka anu nyɛrɛ ladanka, anu ko, “Male bɔnsɔn tan-ni-kelan kɛ, mɔgɔ-wo-mɔgɔ kana ala dunmusi di Bɛnyamɛ bɔnsɔn-mɔgɛ ma.”

Kɛlɛ-Kurugbɛnu 21:23

Bɛnyamɛ bɔnsɔn-toe ya a ma iko anu ya anu nabila nya min. Sunkurɔn minnu bi dɔn-kɛ-tinɛ Sailo soe burɔ, kei wonu kelen-kelennamɛ-bɛɛsi ya atɛ bira sunkurɔn wonu tɔ ka anu ma anuna musinu na. Wo kɔma, anu tara anu na anu barɛ. Anu ya anuna soenu sɔ tun ka anu sigi nyɔ.