Kɛlɛ-Kurugbɛnu 20:21 - ALLALA KUMƐ

²¹ Kɔnɔ tele wo nyɛrɛ rɔ, Bɛnyamɛ bɔnsɔn-mɔgɛnu wulita ka ta mɔgɔ waga mogan-ni-fila (22,000) faga Isirɛla bɔnsɔn tan-ni-kelan wo rɔ.

Kɛlɛ-Kurugbɛnu 20:21 ပူးပေါင်းရင်းမြစ်များ

Ko-Dabirɛnu 49:27

“Ile Bɛnyamɛ, i bɔnsɔn si to anu yogenu birala iko suluku-feremɛ si to sogenu birala sɔgɔma ani wurɛ la nya min.”

2 Ko-Kɔrɔta-Karan 28:10

A sɔgɛ ye wo la, wo ni Yerusalɛm kɛnu anubɛ Yuda kɛnu ma wola yɔɔnnu na. Wo ma a lɔn ko wole Isirɛla kɛnu fanan bara hakɛ kɛ wota Mari Alla la, wa?

Yaburi 33:16

Mansɛta kɛlɛ-dannu siya min kɛ dɔrɔn, a ti kɛlɛ nɔ. Kɛlɛ-dannu sɛnbɛ dɔrɔn ti a ma, a ni kɛlɛ nɔ.

Yaburi 77:19

Kilɛ sanɛ i bolo kɔgɔ-yi-dumɛ tɛma kɔnɔ mɔgɔ-wo-mɔgɔ ti i kin-gbɛ yen.

Yaburi 78:62

A gbunyara ala mɔgɛnu kɔrɔ, ha a ya anu kunyɛ don anu yogenu bolo ka anu faga.

Yɛrɛmaya 12:1

Mari, ile min telennɛ, a bɛnta, n ni n yasere-masa ile le ye. Fɔ n ba i manyinika telenbagayɛ wara-koe ma. Nfenna karagbɛlɛnu bara-koe ye tala yarɔ? Nfenna telenbɛlɛnu nafɛrɛnɛ?

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Tɔn-Fɔɛ-Fila-Nyɔgɛ 23:9

“Wo tenbi wo yogenu kɛlɛla tumɛ min, ni wo ya wo daga makɛ kan min, wo kana wo tugu fenfen na min sɛninyani ma iko tɔn ya a fɔ nya min.

Kɛlɛ-Kurugbɛnu 20:20

Anu ya anu sɔ-bole rabɛn alako anu si Bɛnyamɛ bɔnsɔn-mɔgɛnu kɛlɛ nya min Kibiya soe ya-telen tɔ.

Kɛlɛ-Kurugbɛnu 20:22

Isirɛla mɔgɛnu yisi magboyanɛ tara kan-tina-kelan wo rɔ anu si Mari bato kan min. Anu telenta dila Mari dala nyɔ ha wurɛ la. Anu ya Mari manyinika ko, “Ma ni ta ma na-kelen-nyɔgɛ Bɛnyamɛ bɔnsɔn-mɔgɛnu kɛlɛ, ka, ma kana ta?” Mari ya a fɔ anu ye ko, “Wo ta.” Bɔnsɔn tan-ni-kelan wonu ya anu yisi ragbɛlɛya ka ta Bɛnyamɛ bɔnsɔn kan ma ka anu sɔ-bole rabɛn tun iko a fɔlɔtɛ.

Kɛlɛ-Kurugbɛnu 20:25

Bɛnyamɛ bɔnsɔn-mɔgɛnu fanan wulita tun. Anu bɔra Kibiya soe burɔ ka ta anu kɛlɛ kan ma. Anu tara mɔgɔ waga tan-ni-segin (18,000) faga Isirɛla bɔnsɔn tan-ni-kelan kɛ rɔ tun.