Kɛlɛ-Kurugbɛnu 20:13 - ALLALA KUMƐ

¹³ Karagbɛlɛ minnu bi wo tɛma Kibiya soe burɔ, wo ni wonu don ma bolo. Ma si anu faga alako ko-yogoma-su kɛ ni bɔ male Isirɛla mɔgɛnu tɛma.” Kɔnɔ Bɛnyamɛ bɔnsɔn-mɔgɛnu ya anu tengberenya. Anu ma sɔn wo mala.

Kɛlɛ-Kurugbɛnu 20:13 ပူးပေါင်းရင်းမြစ်များ

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

2 Samuwɛli 23:6

Kɔnɔ Alla-lɔnbɛlɛnu mani de iko wɔnɛ, mɔgɔ mako sa min na. Mɔgɛnu ti anu bole tugu anu na.

1 Mansɛnu 21:13

Karagbɛlɛ fila sigira a telen tɔ. Wonu ya tɔgɛ sa a la ka a fɔ ko, “Nebɔti kɛ le ya mansɛ anubɛ Mari rasɛ.” Anu ya a labɔ soe kɔma ka a mabon, a fagara.

2 Ko-Kɔrɔta-Karan 13:7

Wo kɔma, a ya kalabantenu nadɛn minnu tara Rihobowami kan ma. Wo wati rɔ, fonike le ale Mansa Rihobowami la, ado a ti kalabante wonu nɔ kumɛ rɔ.

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 25:20

Kɔnɔ Hamasa ma a tole sigi kumɛ wo kɔrɔ. Alla sɔnta ko anu ni Mansa Hamasa nɔ bawo a ya Idɔm kɛnuna bɛsɛnu kɔ.

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Makawandili Kumɛnu 11:10

I kana hɔn fenfen na ka i nyɛrɛ makinikini bawo i sa nala tola fonikeyɛ wo rɔ.

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Romu 1:32

Anu denu lara a la ko Allala tɔnnu ko mɔgɛ min si to ko-sufa kɛnu mala, a bɛnta wonu ni faga. Kɔnɔ hali wo, anu tora nɔrɔnna koe wonu ma dɛɛ! Ka tenbi wo la, mɔgɔ-gbɛrɛ minnu bi wo sufanu mala, anu bi wonu sɛnbɛ donna.

2 Kɔrɛnti 6:15

Ado nfan, Kirasiti anubɛ Setanɛ si bɛn kama? Dɛnkɛninya-mɔgɛla nfen bi dɛnkɛninyabɛlɛ bolo?

Tɔn-Fɔɛ-Fila-Nyɔgɛ 13:13

wo na-kelen-nyɔgɔ-kuntan do ara mɔgɛnu kɔndɔfili soe do rɔ ka anu nabɔ Allata kilɛ fɛ,

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 13:6

“Ni a sɔgɛ ya mɔgɛ do bira ka mɔgɛ do sagan kɛwuyɛ la bɛsi-kɔ-koe rɔ, hali wobɛ wo benbanu ma minnu kɔ tele-kelen-bɛrɛni, wo kana kinikini wo mɔgɔ-su ma. Hali a mara i na-kelen-nyɔgɛ le la wo, i halala-dan la wo, i diyana-musi la wo, i diyana-mɔgɔ-bɛrɛ la wo, wo kana mɔgɛ wo madɛnbɛ.

Tɔn-Fɔɛ-Fila-Nyɔgɛ 17:12

Ni min ya a tui ka kun-tigi kɛnu kuman-kan masɔsɔ, wo si wo tigi faga. Woletɔ mɔgɔ-gbɛrɛkɛ minnu bi wo sufa rayenna, wonu si kilan ka wo nyɔgɔn ko sufa ma. Ni wo ya mɔgɔ-sufa wo faga, wo si karagbɛlɛyɛ wo sufa ban de Isirɛla mɔgɛnu tɛma.

Tɔn-Fɔɛ-Fila-Nyɔgɛ 17:7

Sereya-bɔlɛ wonu fɔlɔn si a mabon kuri la. Wo kɔma, mɔgɛ bɛɛsi ni to a mabonna kuri la. Wo le si ko-yogoma-sufa kɛ labɔ wo tɛma.

Tɔn-Fɔɛ-Fila-Nyɔgɛ 19:19

anu bɛnta ka tɔrɔyɛ min sigi kuma-tigi wo ma, sereya-bɔlɛ wo si wo dunɛ bi. Ni wo ya wo ma, wo si karagbɛlɛnu ban wo tɛma.

Tɔn-Fɔɛ-Fila-Nyɔgɛ 21:21

Kei minnu bi soe wo burɔ, wonu si dan wo bi ka a mabon kuri la ha a ni faga. Ni wole Isirɛla mɔgɛnu ya wo ma, wo si karagbɛlɛyɛ ban wo tɛma wola nyamanɛ rɔ. Ni Isirɛla mɔgɔ-wo-mɔgɔ ya ko-sufa kɛ lamɔɛn wo tɛma, wo tigi si kilan.”

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Tɔn-Fɔɛ-Fila-Nyɔgɛ 22:24

wo si anu mɔgɔ filɛ bi ka ta anu na soe kɔma ka anu mabon kuri la ha anu ni faga. Min bi a tola sunkurɔn wo ye fagala bawo a ma yerelen tɛgɛ, ado a ye soe kɔntɔ, anu si a kuman-kan lamɔɛn kan min. Min bi a tola kei wo fanan bi fagala bawo a ara a sa mɔgɔna musu-mabiranɛ fɛ. Ni wole Isirɛla mɔgɛnu ya wo ma, wo si ko-yogomɛ kɛ sufa ban wo tɛma.

Tɔn-Fɔɛ-Fila-Nyɔgɛ 24:7

“Ni min ya a na-kelen-nyɔgɛ Isirɛla mɔgɛ do kankan ka a ma ala yɔɔn la, ni wo ma, ka a mayira yɔɔnyɛ rɔ, wo si wo tigi faga don! Ni wo ya wo ma, wo si ko-yogoma-su wonu ban wo tɛma.

Kɛlɛ-Kurugbɛnu 19:22

Anu bi nyɛrɛ-ladiyɛ wo kun na, kemini-karagbɛlɛ donu nara kurɔn mini bɔn wo ma. Anu bi dɛ matugula anu ma. Anu bi a fɔla kɛmɔgɛ wo ye ko, “Kei min donta i kuma, a labɔ ma ma. Ma ni ma sa a fɛ.”

Kɛlɛ-Kurugbɛnu 20:12

Isirɛla bɔnsɔn-mɔgɛnu ya kilayɛnu nata Bɛnyamɛ bɔnsɔn-mɔgɛnu ma, anu ko, “Ko-yogoma-su kɛ ara ma wola nyamanɛ rɔ, wo si ma kama?

Kɛlɛ-Kurugbɛnu 20:14

Bɛnyamɛ bɔnsɔn-mɔgɔ damasi ya anu nadɛn Kibiya soe burɔ Isirɛla mɔgɛ doinu kɛlɛ-koe la.

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.

1 Samuwɛli 30:22

Kɔnɔ tinya-batoe anubɛ karagbɛlɛ donu bi Dawuda fɛ. Wonu ya a fɔ ko, “Ma ara na bolo-fan minnu na kɛ la, kɛnu ti fenfen sɔrɔn wonu tɔ bawo anu ma sɔn bilala ma fɛ. Anu ni anuna denbayɛnu denu dɔrɔn bi, anu ni ta.”