Kɛlɛ-Kurugbɛnu 20:1 - ALLALA KUMƐ

¹ Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.

Kɛlɛ-Kurugbɛnu 20:1 ပူးပေါင်းရင်းမြစ်များ

2 Samuwɛli 19:14

Mansɛla kumɛ wo ya a diya don Yuda mɔgɛnu tɔ. Anu lara a la feu! Anu ya kilayɛ lata ka Mansa Dawuda anubɛ ala mɔgɔ-banu makele.

2 Samuwɛli 2:9

Abina ya wo ma mansɛ la ka a sigi Isirɛla nyamanɛ bɛɛ kun na, katarala Kaliyadi anubɛ Asɛra anubɛ Yɛsɛreli anubɛ Ifɛrɛm anubɛ Bɛnyamɛ nyamanɛnu ma.

2 Samuwɛli 24:2

Mansa Dawuda ya a fɔ ala kɛlɛ-den-kunyɛ Yohabu ye ko, “Ta ila mɔgɔ-banu na i bolo. Ka a bi Isirɛla nyamanɛ-dan doi ma ka a sigi a dan doi la, wo ni ke bɔnsɔn damasi ma ka a mɔgɛnu dan. A sɔgɛ ye n na, n ni a lɔn mɔgɛ min nyɔgɔn yatɛ ye nyamanɛ kɛ rɔ.”

1 Mansɛnu 5:5

Mari ya a fɔ n fa Dawuda ye ko ala dan min si ma mansɛ la a gbɛ rɔ, wo si bɔn sɔ ale Mari ye. N bara bɔn wo sɔ-koe latɛgɛ n yisi rɔ nta Mari Alla ye kaka.

2 Mansɛnu 25:23

Kɛlɛ-den-kunyɛ anubɛ kɛlɛ-dan minnu ya anu buri kɛlɛ kɔrɔ, wonu ya a lamɔɛn min kɛ ko Yuda nyamanɛ tora Mansa Kɛdalaya bolo, anu tara kofu a ma Misipa soe burɔ. Minnu tara kofu Mansa Kɛdalaya ma, wonu tɔgɛ le kɛnu na, Nɛtanayala den Sumanyila wo, Kareyala den Yohenan wo, Tanhumɛtila den Sɛraya min bɔra Nɛtofa soe burɔ wo, anubɛ Yeyasanaya min bɔra Meyaka soe burɔ.

1 Ko-Kɔrɔta-Karan 21:2

Mansɛ ya a fɔ ala kɛlɛ-den-kunyɛ Yohabu ye ko, “Ta ila mɔgɔ-banu na i bolo. Ka a bi Isirɛla nyamanɛ-dan doi ma ka a sigi a dan doi la, wo ni ke bɔnsɔn damasi ma ka a mɔgɛnu dan. A sɔgɛ ye n na, n ni a lɔn mɔgɛ min nyɔgɔn yatɛ ye nyamanɛ kɛ rɔ.”

2 Ko-Kɔrɔta-Karan 30:5

anu ya Isirɛla mɔgɛ bɛɛ kele tɛrr, ka a bi Dan soe ma kantɔ-wara la, ha Biri-Siba soe ma dugula wara la. A sɔgɛ ye anu na, anu ni Kanan-Ko-Ladiyɛ kɛ min nyɔgɔn ma ma wɛ fɔlɔn.

Ɛsira 3:1

Anu sɛgira san min na, wo karɛ wɔrɔnfila nyɔgɛ ya a taran, Isirɛla mɔgɛnu bara ban anu sigi-bole rabɛnna. Wo kɔma, Isirɛla mɔgɛ bɛɛ ya anu kundɛn Yerusalɛm soe burɔ.

Nihɛmaya 11:27

anubɛ Hesa-Suwali anubɛ Biri-Siba soenu tɔ anubɛ nyɔ-dafɛ-so-mɛsɛnu tɔ.

Nihɛmaya 8:1

Karɛ wɔrɔ tenbinɛ, a wɔrɔnfila nyɔgɛ ma, wo ya a taran, Isirɛla mɔgɛ bɛɛ ara anu sigi-bole rabɛn anuna soenu tɔ. Karɛ wo tele fɔlɛ ma, tarɛ don-dɛ min tɔgɛ ko Yi, mɔgɛnu ya anu nadɛn wo lu-kole ma Yerusalɛm soe burɔ. Alla ya tɔn min di Nɛbi Musa ma, anu ya Saraka-Masɔla Ɛsira manyinika ko a ni ta tɔn-buku wo bi bawo a ya tɔn wonu kɔrɛ lɔn a nya ma.

Yɛrɛmaya 40:6

N tara sigi Kɛdalaya wara Misipa soe burɔ. N tora sigini nyɔ-mɔgɛ toe wonu tɛma, kɛlɛ ma to minnu na.

Yilan-Yilan Koe 32:1

Ninki siyaman bi Rubɛn bɔnsɔn anubɛ Kadi bɔnsɔn bolo. Anu ya a yen ko Yasa anubɛ Kaliyadi duginu kin, ado bin siyaman bi nyɔ anuna kolo-fannu si min dɔn.

Yilan-Yilan Koe 32:40

Musa ya Kaliyadi nyamanɛ do di Makiri ma alako a kebilɛnu ni sigi nyɔ.

Yasowa 15:38

Dailɛyan, Misipa, Yokatili,

Yasowa 17:1

Manasala den-kei-sarɛ Makiri ya dan do sɔrɔn min tɔgɛ Kaliyadi. Makiri wola kebilɛ ya Kaliyadi anubɛ Basan nyamanɛ sɔrɔn Yorodan bɛ kɔma tele-bɔɛ wara la bawo kɛlɛ-kurugbɛ le ale la nun.

Yasowa 18:26

Misipa, Kɛfira, Mosa,

Yasowa 22:9

Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ tara anu barɛ Kaliyadi nyamanɛ rɔ Yorodan bɛ kɔma tele-bɔɛ wara la. Anu ya anu ta-nyɔgɛ Isirɛla mɔgɛnu to Sailo.

Kɛlɛ-Kurugbɛnu 10:17

Amonnuna kɛlɛ-dannu ya anu kundɛn ka ta anu daga makɛ Kilayadi. Isirɛla mɔgɛnu fanan ya anu kundɛn ka anu daga makɛ Misipa soe burɔ Kilayadi nyamanɛ rɔ.

Kɛlɛ-Kurugbɛnu 11:11

Yɛfɛta bilara mɔgɔ-ba wonu fɛ. Anu tara. Anu ke Kaliyadi nyamanɛ rɔ, anu ya a ma anuna kɛlɛ-den-kunyɛ la. Anu ke Misipa dagɛ rɔ, anubɛ mɔgɔ-banu ya kumɛ minnu fɔ anu nyɔgɔn tɛma, Yɛfɛta ya kumɛ wonu takaran Mari anubɛ mɔgɛnu yala.

Kɛlɛ-Kurugbɛnu 11:34

Yɛfɛta sɛgimatoe a warɛ bɔn la Misipa, a ya ala den-sunkurɔn yen bɔla dɔn kɛla a bolo bɔn la ka ta a labɛn tinɛ. A ye tanban fɔla, ado den-sunkurun kelen pe wo le a bolo.

Kɛlɛ-Kurugbɛnu 18:29

Anu ya Leyisa soe wo tɔgɛ yɛlɛma ka anu benba Yakobala den Dan tɔgɛ sa nyɔ kuma.

Kɛlɛ-Kurugbɛnu 20:11

Isirɛla mɔgɛnu tora kan kelen tɔ soe wo kan ma.

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.

Kɛlɛ-Kurugbɛnu 20:2

Isirɛla bɔnsɔn-kun-tigi damasi ye nyɔ anubɛ kɛlɛ-dan mɔgɔ waga kɛmɛ nani. Anu mabɛnnɛ kɛlɛ-kɛ-koe la.

Kɛlɛ-Kurugbɛnu 20:26

Isirɛla mɔgɛnu dimatoe sɛgira Bɛtɛli soe burɔ tun. Anu telenta sunyɛ rɔ ha wurɛ la. Anu ya saraka-mintantɛnu anubɛ yisi-kima-sarakɛnu bɔ Mari ye wulɔn.

Kɛlɛ-Kurugbɛnu 20:8

Isirɛla mɔgɔ damasi kunta kan kelen ma. Anu ko, “Male min bi yan kɛ la yɛ, mɔgɔ-wo-mɔgɔ kana sɛgi a warɛ tun.

Kɛlɛ-Kurugbɛnu 21:5

Anu ya a fɔ ko, “Isirɛla mɔgɔ yon tora min ma kofu ma ma ladɛn rɔ Mari yakɔrɔ Misipa soe burɔ? Ma ma a fɔ wo wati rɔ ko ni mɔgɛ min ma ta ladɛn wo rɔ, ma si wo tigi faga?”

1 Samuwɛli 10:17

Samuwɛli ya mɔgɛnu kundɛn Mari ye Misipa soe burɔ.

1 Samuwɛli 3:20

Isirɛla nyamani-tonko-nanɛ mɔgɛ bɛɛ ya a lɔn ko Samuwɛli le nɛbiyɛ la Mari ye.