Kɛlɛ-Kurugbɛnu 2:7 - ALLALA KUMƐ

^7-9 Yasowa siyi-tele bɛnta san kɛmɛ ani san tan ma, a nara to fagala. Anu ya a togon a halala-dugi rɔ Timinati-Hɛrɛsi soe kɔma. Soe wo ye Ifɛrɛmta kɔnkɔ-nyamanɛ rɔ Keyasi kɔnkɛ kan tɔ. Isirɛla mɔgɛnu tora Mari batola Marita wɔli-kɛlɛ Yasowa siyi-tele-bɛɛ kɔrɔ. Mari ara ko-makawanɛ min bɛɛsi ma Isirɛla mɔgɛnu ye, kun-tigi donu mara wonu sereyɛnu na. Wonu fananta wati rɔ, Yasowa fagɛ kɔma, Isirɛla mɔgɛnu tora Mari batola.

Kɛlɛ-Kurugbɛnu 2:7 ပူးပေါင်းရင်းမြစ်များ

2 Mansɛnu 12:2

Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ fananta Saraka-Masɔla Yɛhoyada le ya Mansa Yohasi labila.

2 Ko-Kɔrɔta-Karan 24:2

Fananta Saraka-Masɔla Yɛhoyada ye a kɛndɛ la, Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Yasowa 24:31

Yasowa ye a kɛndɛ la wati min, Isirɛla mɔgɛnu ya Mari bato. Yasowa fagara tumɛ min, mɔgɔ-ba minnu ya kabana-ko-siyamɛ wonu yen Mari bolo, Isirɛla mɔgɛ toenu tora Mari batola wonu fɛ.

Kɛlɛ-Kurugbɛnu 2:17

Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.

Kɛlɛ-Kurugbɛnu 2:6

Kebi fɔlɔ, wo tumɛ Yasowa ye a kɛndɛ la, Yasowa ban Isirɛla mɔgɛnu natala anuna nyamanɛnu tɔ, anu damasi tara anu halala-duginu mabira tinɛ.