Kɛlɛ-Kurugbɛnu 2:4 - ALLALA KUMƐ

⁴ Melika ban kɛ fɔla, Isirɛla mɔgɛ bɛɛsi donta diyi-kɛ rɔ.

Kɛlɛ-Kurugbɛnu 2:4 ပူးပေါင်းရင်းမြစ်များ

Ɛsira 10:1

Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Hɛnkilimaya-Kumɛnu 17:10

Makuma kelan si ko-nyinya hɛnkilimɛ ma ka tenbi bosɛ dan-nya kɛmɛ la kuntan ma.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Yowɛli 2:12

Mari ko wo ni sunyɛ don ka di. Wo ni tubi bɛrɛbɛrɛkɛ kaka ka wo fan nasɛgi a ma.

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Luka 6:21

Mɔgɔ-sewanɛ le wole kɔnkɔtoenu na bawo wo si fa pim! Mɔgɔ-sewanɛ le wole di-kɛlɛnu na bawo wo si na yɛlɛn!

Luka 7:38

A sɔra Yisa kɔma a kian tɔgɔfɛ. A dira. A ya-yi yigira biribiri, ka Yisa kian kimɛ. Wo kɔma, a ya a kian mafiran a kun-sigi la. A ya a kian sunbu ka sɛnti kɛ anu ma.

2 Kɔrɛnti 7:10

Yisi-lafinyɛ min bɔnɛ Alla bolo, wo si na yisi-yɛlɛmɛ la, ado wo si a laban kisi-koe ma wo bolo. Wo ti mɔni wo rɔ mumɛ! Kɔnɔ hadama-danta yisi-lafinyɛ si a laban sayɛ ma.

Yemesi 4:9

Wo ni nimisa ka a tɛgɛ wo ara ko-yogomɛ minnu kɛ. Wo ni wola yɛlan yɛlɛma di-kɛ la ka wola sewɛ yɛlɛma yisi-tinya la!

Kɛlɛ-Kurugbɛnu 2:3

Woletɔ n bara a latɛgɛ ko n ti mɔgɛ wonu gben wo yarɔ tun. Anu si ma wo yogenu na. Anuna bɛsi-kɔ-koenu si wo bira iko gbɛrɛ.”

Kɛlɛ-Kurugbɛnu 2:5

Woletɔ anu ya kan tinɛ wo kele le ko, “Di Kɛ Tinɛ.” Anu ya sarakɛnu bɔ Mari ye nyɔ.

1 Samuwɛli 11:4

Anuna kilayɛ kera Kibiya soe burɔ Mansa Sɔli ye kan min. Anu ya nimisa-koe wo rakaran anu ye min kɛ, mɔgɔ damasi donta diyi-kɛ rɔ.

1 Samuwɛli 7:6

Isirɛla mɔgɛ bɛɛsi ladɛnta Misipa soe burɔ. Anu ya yi do layɛlɛ kɔlɔn rɔ ka wo labɔn dugi ma Mari ye nyɔ. Anu telenta sunyɛ rɔ gbɛn, ha wurɛ la. Anu ko, “Ma ara hakɛ kɛ Mari la.” (Samuwɛli mara nyamani-kuma-kun-tigi la Isirɛla mɔgɛnu kun na Misipa soe kɛ le burɔ.)