Kɛlɛ-Kurugbɛnu 2:22 - ALLALA KUMƐ

²² Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

Kɛlɛ-Kurugbɛnu 2:22 ပူးပေါင်းရင်းမြစ်များ

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

2 Ko-Kɔrɔta-Karan 32:31

Hali Babilɔn mɔgɔ-banu nara tumɛ min ka a manyinika tamasere wo ma min bara kɛ ala nyamanɛ rɔ, Alla ya a bɔ a fɛ alako a ni a lɔn a yisi ye nya min.

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Bɔ-Koe-Iyipiti 15:25

Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Kɛlɛ-Kurugbɛnu 2:23

Wola ko la, Mari sɔnta sibolo-gbɛrɛ wonu to-koe ma Isirɛla nyamanɛ rɔ. A ma sibolo-gbɛrɛ wonu nɔ-sɛnbɛ di Yasowa ma nun. Yasowa faganɛ fanan, Mari ma anu gben.