Kɛlɛ-Kurugbɛnu 2:19 - ALLALA KUMƐ

¹⁹ Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.

Kɛlɛ-Kurugbɛnu 2:19 ပူးပေါင်းရင်းမြစ်များ

Nihɛmaya 9:28

Tiriyante wo rɔ, yisi-kimɛ sɔrɔnnɛ anu bolo tun, anu ya hakɛ-kɛ dabira. Woletɔ i ya a ma, anu yogenu ya anu nɔ tun. Anu ya anu sɔ anu hakɛ la tumɛ min ka i matara anu kanan-koe la, i nara to kinikinina anu ma ka to anu kunyɛ bɔla gbaran rɔ.

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Bɔ-Koe-Iyipiti 32:7

Anu bi wo kun na, Mari ya a fɔ Musa ye kɔnkɛ kuma ko, “I buri yigila kamasɔrɔn i wara na mɔgɛ minnu na ka bɔ Iyipiti nyamanɛ rɔ, wonu bara yɛlɛma ka yogoya.

Yɛrɛmaya 16:12

A ko kɔnɔ woleta karagbɛlɛyɛ ara tenbi wo benbanutɛ la. Wo tole gbereta dɔgɔma-ma-de! Min di wo ye, wo ye wo le mala. A ko wo sa a sako kɛla mumɛ!

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 3:17

Wo wati wa ke tumɛ min, mɔgɛnu si Yerusalɛm kele ko, “Marita mansaya-waganɛ.” Sibole bɛɛ kun si dɛn nyɔ ka a bato. Sibole wonu ti bila anuta tolo-gbɛlɛyɛ anubɛ anuta sɔn-yogoya-kilɛ fɛ tun.

Isikiyɛli 20:30

Woletɔ i ni nde, wo Tigi Mari kan kɛ latenbi Isirɛla mɔgɛnu ma ko nfenna anu bi bɛsɛnu kɔla iko anu benbanu ya a ma nya min?

Matiyu 23:32

Nba, wo benbanu ya min dabira, wo ni wo raya ka wo laban!

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Yasowa 24:31

Yasowa ye a kɛndɛ la wati min, Isirɛla mɔgɛnu ya Mari bato. Yasowa fagara tumɛ min, mɔgɔ-ba minnu ya kabana-ko-siyamɛ wonu yen Mari bolo, Isirɛla mɔgɛ toenu tora Mari batola wonu fɛ.

Kɛlɛ-Kurugbɛnu 10:13

Kɔnɔ hali wo, wo ya nde, Mari boloka ka ta bɛsɛnu nyini wo nyɛrɛ ye, wo si minnu kɔ. Woletɔ n ti wo lakisi tun.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 2:20

Mari fonde si na bɔ tun ka a fɔ ko, “Mabɛ anu benbanu sarata min ma, mɔgɛ kɛnu bara anutɛ wo tinya.

Kɛlɛ-Kurugbɛnu 2:7

Yasowa siyi-tele bɛnta san kɛmɛ ani san tan ma, a nara to fagala. Anu ya a togon a halala-dugi rɔ Timinati-Hɛrɛsi soe kɔma. Soe wo ye Ifɛrɛmta kɔnkɔ-nyamanɛ rɔ Keyasi kɔnkɛ kan tɔ. Isirɛla mɔgɛnu tora Mari batola Marita wɔli-kɛlɛ Yasowa siyi-tele-bɛɛ kɔrɔ. Mari ara ko-makawanɛ min bɛɛsi ma Isirɛla mɔgɛnu ye, kun-tigi donu mara wonu sereyɛnu na. Wonu fananta wati rɔ, Yasowa fagɛ kɔma, Isirɛla mɔgɛnu tora Mari batola.

Kɛlɛ-Kurugbɛnu 4:1

Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

1 Samuwɛli 15:23

Ka murutiya Mari ma, wo yogo a yala iko suwagayɛ. Wasinteyɛ yogo a yala iko bɛsi-kɔ-koe. Bawo i wara i ban Marita kumɛ birala woletɔ ale fanan bara a ban ile fananta mansayɛ ma.”