Kɛlɛ-Kurugbɛnu 2:18 - ALLALA KUMƐ

¹⁸ Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 2:18 ပူးပေါင်းရင်းမြစ်များ

Ko-Dabirɛnu 6:6

wo le ya a to, anuna mɔninyɛ donta Mari rɔ.

2 Mansɛnu 13:4

Wo kɔma, Mansa Yɛhowahasi ya a kan nabɔ Mari ma. Mari sɔnta ala kan-nabɔɛ ma bawo a ya Isirɛla mɔgɛnuna tɔrɔya-nya yen Siriya mansɛ bolo.

Yaburi 12:5

Mari ye a fɔla ko a ye nala anu dɛnbɛ tinɛ le gbɛ, bawo a la ara gbɛlɛya bolo-kolɔnnu kuma. Minnu yakɔrɔ-mamɔnɛ, anu bi kurunna dumɛ bolo. Anu bi anu nakanan-fan min nyinina, Mari ko a si wo di anu ma.

Yaburi 90:13

E, Mari, kinikini ma ma. I si i ya-lamunun male, ita wɔli-kɛlɛnu na muntuma?

Bɔ-Koe-Iyipiti 2:24

Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Bɔ-Koe-Iyipiti 32:14

Wo le ya a ma, Mari ya a fonde yɛlɛma. A ma ala mɔgɛ wonu kasara tun.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Yona 3:10

Anu bara min bɛɛsi ma, Alla ya wo yen. A ya a lɔn worɔ anu bara anu sɔn-yogomɛnu boloka. Woletɔ a ya a fonde yɛlɛma. A ma sɔn anu halaki-koe ma tun iko a ya a fɔ nya min nun.

Yilan-Yilan Koe 10:9

Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.

Kɛlɛ-Kurugbɛnu 11:32

Yɛfɛta ya Yorodan bɛ tɛgɛ Amonnu kɛlɛ tinɛ. Mari ya a ma, a ya Amonnu nɔ.

Kɛlɛ-Kurugbɛnu 2:19

Kɔnɔ ni kɛlɛ-kurugbɛ wo fagara tumɛ min, anu si sɛgi anu gba-kɔrɛ rɔ tun. Anu si yogoya ka tenbi a fɔlɔtɛ la ka don bɛsi-kɔ-koe rɔ, ado, anu ti sɔn anu sɔn-yogomɛ wonu bolokala.

Kɛlɛ-Kurugbɛnu 3:9

Isirɛla mɔgɛnu dira Mari dala. Mari ya Kelabu dɔgɔ-keminɛ Kenasila den Ɔtiniyɛli yabɔ ka ma kɛlɛ-kurugbɛ la Isirɛla mɔgɛnu ye ka anu kunka.

Kɛlɛ-Kurugbɛnu 6:12

Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”

Kɛlɛ-Kurugbɛnu 6:16

Mari ya a fɔ Kidiyɔn ye ko, “I si a nɔ le bawo nde, Mari le ye i dɛnbɛna. I si Midiyan kɛnu tatɛn iko mɔgɔ kelan tenbi i kɔrɔ.”