Kɛlɛ-Kurugbɛnu 2:17 - ALLALA KUMƐ

¹⁷ Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.

Kɛlɛ-Kurugbɛnu 2:17 ပူးပေါင်းရင်းမြစ်များ

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 106:43

Mari mɛra ala mɔgɛnu nakisila. Kɔnɔ wonu denu sɛgira murutiyala a ma. Anu tununta anu hakɛ rɔ pɔɛ!

Yaburi 73:27

Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Saraka-Masɔlɛnuta Tɔnnu 17:7

Mɔgɛnu kana anuna kolo-fannu faga dagɛ kɔma bawo dina-do-mɔgɛnu bi anuna baanuna muninyɛ kɔla nyɔ. Ni min ya wo ma, wo tigi ara a nyɛrɛ purukulu Mari bolo. Tɔn kɛ siginɛ Isirɛla mɔgɛnu ma ka a fɔlɔ bi ma ha duninya si ban.

Emɔsi 2:4

“Mari ko wole Yuda nyamanita-mɔgɛnu, wole ara hakɛ dan-natenbi, ado a si wo tɔrɔ, yɔ! Mari ko wo ara ale nyɛrɛta karan lɔn fufafuyi la ka tɛgɛ a rɔ. Wo ye bɛsɛnu kɔla iko wo benbanu ya a ma nya min.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 31:18

N ti sɔn anu dɛnbɛna bawo anu bara ko-yogomɛ ladan ka bɛsɛnu kɔ.”

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’

Tɔn-Fɔɛ-Fila-Nyɔgɛ 9:16

N ya a taran, wo ara banna wota Mari Allata tɔn tinyana. Wo ara hakɛ kɛ Alla la ka ninki-danla muninyɛ ladan.

Yasowa 24:24

Isirɛla mɔgɛnu ya a fɔ Yasowa ye ko, “Ma si mata Mari Allata kumɛ bira ka ale kelen pe le bato!”

Yasowa 24:31

Yasowa ye a kɛndɛ la wati min, Isirɛla mɔgɛnu ya Mari bato. Yasowa fagara tumɛ min, mɔgɔ-ba minnu ya kabana-ko-siyamɛ wonu yen Mari bolo, Isirɛla mɔgɛ toenu tora Mari batola wonu fɛ.

Kɛlɛ-Kurugbɛnu 2:7

Yasowa siyi-tele bɛnta san kɛmɛ ani san tan ma, a nara to fagala. Anu ya a togon a halala-dugi rɔ Timinati-Hɛrɛsi soe kɔma. Soe wo ye Ifɛrɛmta kɔnkɔ-nyamanɛ rɔ Keyasi kɔnkɛ kan tɔ. Isirɛla mɔgɛnu tora Mari batola Marita wɔli-kɛlɛ Yasowa siyi-tele-bɛɛ kɔrɔ. Mari ara ko-makawanɛ min bɛɛsi ma Isirɛla mɔgɛnu ye, kun-tigi donu mara wonu sereyɛnu na. Wonu fananta wati rɔ, Yasowa fagɛ kɔma, Isirɛla mɔgɛnu tora Mari batola.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

1 Samuwɛli 12:12

“Kɔnɔ wo ya Amon Mansa Nehasi yen nala wo kɛlɛla min kɛ, wo ya wo ban wota Marita mansayɛ ma. Wo ya a fɔ n ye ko, ‘Ma ye nyinina mata mansɛ ma min si to ma kun na.’ ”

1 Samuwɛli 12:17

Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”