Kɛlɛ-Kurugbɛnu 2:16 - ALLALA KUMƐ

¹⁶ Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

Kɛlɛ-Kurugbɛnu 2:16 ပူးပေါင်းရင်းမြစ်များ

Nihɛmaya 9:27

Woletɔ i ya a ma, anu yogenu ya anu bira ka to anu kun na. Tɔrɔyɛ wo le ya a ma, anu ya anu kan nabɔ i ma anu dɛnbɛn-koe rɔ, ado i ya anuna matarali-kan yabi san-kole rɔ. I ya kun-tiginu nana minnu ya anu nakanan anu yogenu masibɛ ma bawo i kinikinite.

Kɛwɔlɛnu 13:20

Wo bɛɛ mara san kɛmɛ nani ani san bi-loli (450) kɔrɔ. “Wo kɔma, Alla ya kɛlɛ-kurugbɛnu di anu ma ha Nɛbi Samuwɛlita wati rɔ.

Kɛlɛ-Kurugbɛnu 10:1

Abimɛlɛki faganɛ, Dodo mamanɛ, Puwala den Tola mara kɛlɛ-kurugbɛ la Isirɛla mɔgɛnu kuma. Isakari bɔnsɔn-mɔgɛ do le wo la. A siginɛ Semiri soe burɔ Ifɛrɛm kɔnkɔ-nyamanɛ rɔ.

Kɛlɛ-Kurugbɛnu 11:32

Yɛfɛta ya Yorodan bɛ tɛgɛ Amonnu kɛlɛ tinɛ. Mari ya a ma, a ya Amonnu nɔ.

Kɛlɛ-Kurugbɛnu 3:15

Isirɛla mɔgɛnu dira Mari dala tun. Mari ya kɛlɛ-kurugbɛ do yabɔ anu ye tun alako wo ni anu kumafunfan. A ya Kɛrala den Ehudi yabɔ ka bɔ Bɛnyamɛ bɔnsɔn rɔ. Bolo-maranna-wɔli-kɛlɛ le ale Ehudi la. Ehudi ya solomuri ladan a nyɛrɛ ye. Wola yanyɛ nunkan-nya kelen. A ya wo kiri ala kurusi kɔrɔ a bolo-nyimɛ rɔ. Isirɛla mɔgɛnu ya Mansa Ɛkilɔn sanbɛnu don ale Ehudi bolo.

Kɛlɛ-Kurugbɛnu 3:31

Ehudita wati bannɛ, Anatila den Samiga sigira Ehudi gbɛ rɔ. Samiga ya sara-ninki lagbengben fan bi ka Filisiti mɔgɔ kɛmɛ wɔrɔ faga wo la. Ale fanan ya Isirɛla mɔgɛnu kumafunfan.

Kɛlɛ-Kurugbɛnu 4:5

Tuma-wo-tuma nun, a si a sigi tamaro-kuri do kɔrɔ min bi Rema soe anubɛ Bɛtɛli soe tɛma Ifɛrɛm kɔnkɔ-nyamanɛ rɔ ka ata kiti-tɛgɛya-wɔlɛ kɛ nyɔ. Mɔgɛnu si ta a wara ka hɛnkili sɔrɔn a bolo.

Kɛlɛ-Kurugbɛnu 6:14

Mari ya a yabi ko, “Ta i sɛnbɛ damasi la ka Isirɛla mɔgɛnu kunka Midiyan kɛnu bolo. N nyɛrɛ le ye i latala.”

Ruti 1:1

Yanni Isirɛla mɔgɛnu ni anuta nyamani-tigiya-koe dabira tumɛ min, kɔnkɔ-fitinɛ nara anuna nyamanɛ wo rɔ. Kei do ye Bɛtalehɛm soe burɔ Yuda bɔnsɔn-mɔgɛnuna nyamanɛ rɔ,

1 Samuwɛli 12:11

Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.

1 Samuwɛli 14:48

Kɛlɛ-kurugba-bɛrɛbɛrɛ le ale Mansa Sɔli la. Hali Amalɛkinu, a ya wonu nɔ. A ya Isirɛla mɔgɛnu kunka anu yogo-siyaman bolo.