Kɛlɛ-Kurugbɛnu 2:11 - ALLALA KUMƐ

¹¹ Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:11 ပူးပေါင်းရင်းမြစ်များ

Ko-Dabirɛnu 13:13

Sɔdɔm kɛ wonu yogo dɔgɔma-ma-de, ado anu bi hakɛ kɛla Mari la kati!

Ko-Dabirɛnu 38:7

Kɔnɔ Ɛra wota wunduyogoyɛ ya a ma, Mari ya a faga.

1 Mansɛnu 11:5

A donta Saidon kɛnuna bɛsi Asitɔra kɔ-koe rɔ min nadannɛ musila muninyɛ rɔ. A kɛnɛna Amonnuna bɛsɛ fanan kɔla min tɔgɛ Molɛki. Wo wara-koe sɔgɔ labɔnɛ Alla la lass!

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 22:53

A ya Beyali bɛsɛ kɔ iko a fa ya a ma nya min nun ka Isirɛlata Mari Alla ladiminya.

2 Ko-Kɔrɔta-Karan 28:2

A ya Isirɛla mansɛnu sɔn bi. Bɛsɛ min tɔgɛ Beyali, a ya wola muninyɛnu nadan nɛgɛ la.

2 Ko-Kɔrɔta-Karan 28:3

A ya sarakɛnu bɔ Hinom lɛɛ rɔ. A ya a halala-den-keinu mintan sarakayɛ la bɛsɛnu ye. Wo le ya a ma, Mari ya mɔgɛ minnu gben nyamanɛ wo rɔ nyɔ nun, wonu taranta milibɛlitaya-koe kɛ sufa mala nun.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Ɛsira 8:12

Hakatanla den Yohenan sɛgira ka bɔ Asigadi bɔnsɔn rɔ. Mɔgɔ kɛmɛ ani mɔgɔ tan bɔra Asigadi bɔnsɔn wo rɔ ka bila Yohanan fɛ.

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 16:11

Mari ko n ni a fɔ wole fanan ye ko ni wo ya kɛ yen mala wo la, wo benbanu denu fɔlɔn ya ale Mari boloka. Anu ya bɛsɛnu kɔ ka anu taya wonu ma. A ko wo benbanu fɔlɔn bara anu masɛgi Mari la. Anu ya anu ban ale Marita tɔn-bira-koe ma.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 2:23

A ko wo le si ke a fɔla kama gbɛ ko wo kɔsɔni ma Beyali kɔ-koe bolo? Ado nfan, wo ni wo miri wo ya koe minnu ma Bɛn-Hinɔm lɛɛ rɔ. Wo ni wo miri wola bɛsi-kɔ-koe ma. Wo mani de dɔrɔn iko kei-sɔgɛ ye nyomo-musi min na. A ye a burila kan-tinɛ bɛɛ rɔ.

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 9:14

Yanni wo ni wo ma, fɔ wo ya wo tole gbɛlɛya min kɛ ka bɛsi Beyali kɔ, ado wo benbanu denu ya wo karan wo ma.

Yilan-Yilan Koe 25:3

ka anuta bɛsi Beyali kɔ Piyɔri kɔnkɛ kuma. Mari fonde bɔra anu kuma kati!

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

Tɔn-Fɔɛ-Fila-Nyɔgɛ 4:25

“Wo mɛra nyɔ nya-wo-nya, wo ni dannu sɔrɔn anubɛ wo mamanɛnu, wo kana bɛsi-wo-bɛsi ladan. Bɛsi-yogomɛ-ladan-koe kana wo don hakɛ rɔ. Ko-yogomɛ le wo la Mari yala. Wo si a ma, a fonde ni bɔ wo kuma.

Kɛlɛ-Kurugbɛnu 10:10

Isirɛla mɔgɛnu dira Mari Alla dala ka a fɔ a ye ko, “Ma ara ile mata Alla boloka ka don Beyali bɛsɛnu kɔ-koe rɔ. Ma ara hakɛ kɛ i la.”

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 13:1

Isirɛla mɔgɛnu bilara Mari la ka hakɛ kɛ tun. Mari sɔnta ko anu ni to Filisitinu kɔrɔ san bi-nani.

Kɛlɛ-Kurugbɛnu 3:12

Isirɛla mɔgɛnu bilara Mari la tun. Woletɔ Mari ya a ma, Mohabu nyamani-tigi Ɛkilɔn ya Isirɛla mɔgɛnu nɔ.

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.

Kɛlɛ-Kurugbɛnu 4:1

Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 6:1

Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.

Kɛlɛ-Kurugbɛnu 6:25

Suyi wo nyɛrɛ rɔ, Mari ya a fɔ Kidiyɔn ye ko, “Ta i fala san-wɔrɔnfila-turɛ bi. I ni ta a la i fala bɛsɛnu dafɛ. Wo kɔma, i fa ya bɛsi-kɔ-tinɛ min sɔ Beyali ye, i ni wo tinya. Ala kɔlɔma malɛsɛnɛ min tɔgɛ Asura, i ni ta wo fanan tatɛgɛtɛgɛ.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

1 Samuwɛli 12:10

Wo kɔma, wo benbanu dira Mari dala. Anu ya a fɔ ko, ‘Ma ara hakɛ kɛ bawo ma ara ma kan-kɔ sɔ ile Mari la. Ma ara Beyali anubɛ Asitɔra bɛsɛnu kɔ.’ Anu ko, ‘I yandi, ma tanka ma yogenu ma. Ma ti fenfen bato fɔ ile Mari kelan.’

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”

1 Samuwɛli 7:4

Wo le ya a ma, Isirɛla mɔgɛnu ya anuna bɛsɛnu nakɛ a rɔ hali anuna bɛsɛ minnu tɔgɛ Beyali anubɛ Asitɔra. Anu tora Mari kelen pe le batola gbɛ!