Kɛlɛ-Kurugbɛnu 19:3 - ALLALA KUMƐ

³ Wo kɔma, kei wo bɔra Ifɛrɛm nyamanɛ rɔ ka ta a fɛ-sigi-musi wo sagaran a fa warɛ. A sɔgɛ ye a la, a ni ta kuma-diyamɛ fɔ a fɛ-sigi-musi ye alako a ni sɛgi a warɛ bɔn la tun. A ya sofɛlɛ fila bi anubɛ ala wɔli-kɛlɛ. Anu tara. Anu ke a biran-kei warɛ Bɛtalehɛm soe burɔ, a fɛ-sigi-musi wo ya anu nabɛn ka anu yiya bɔn la. A biran-kei ya a yen tumɛ min, a nyagalenta a la ka a kɔndɔn bolo-nyimɛ-kɛ.

Kɛlɛ-Kurugbɛnu 19:3 ပူးပေါင်းရင်းမြစ်များ

Ko-Dabirɛnu 34:3

A ban a sala Daina fɛ, a diyara Sɛkɛm ye kati! A ya a madiya-kumɛ fɔ a ye alako a ni diya Daina ye.

Ko-Dabirɛnu 50:21

Wo kana kilan fenfen na. N si wobɛ wola dannuna dunɛ bi.” A ya anu yisi-kima-kumɛnu fɔ.

Yɛrɛmaya 3:1

Ni mɔgɛ ya a ban ala musi la ka a yili bɔ, ado musi wo ni ta sunburi ma kei-gbɛrɛkɛ wara, ala kei-kɔrɛ kana a bole sigi a kɔrɔ tun. Ni a sɛgira a ma tun, nyamanɛ la si tinya. Kɔnɔ Mari ko wole Isirɛla mɔgɛnu, wolebɛ wo kenintenu bara yɛlɛnyɛ kɛ siyaman. Nba, kaka, a sɔgɛ ye wole la, wo ni sɛgi ale Mari ma, wa?

Hoseya 2:14

N bi nala tala a la wulɛ rɔ. N ba ke a la nyɔ, n si a manugu-nɛgɛ-kumɛnu fɔ alako n ni diya a ye tun.

Hoseya 2:16

Wo wati rɔ, a si n kele ko, “N buin.” A ti n kele tun ko, “N tigi.”

Saraka-Masɔlɛnuta Tɔnnu 19:17

“Mɔgɔ ta-nyɔgɛla koe kana to siginɛ i burɔ, fɔ i ni fɛrɛ nyini ka bɛnsɛnkɔninyɛ bɔ wo tɛma alako i kana yiliki sɔrɔn nde, Mari bolo i ta-nyɔgɔn wola ko la.

Saraka-Masɔlɛnuta Tɔnnu 20:10

“Ni kei do ya a sa a ta-nyɔgɛla musi fɛ, Mari ko wo ni anubɛ musi wo faga.

Yilan-Yilan Koe 22:22

Alla fonde bɔra Belam kuma ala ta-koe la. Belam anubɛ ata wɔli-kɛlɛnu tamatoe Mohabu Mansa Balaki warɛ, Marita melika ya kilɛ tɛgɛ a ma.

Matiyu 1:19

Ala kei, Yusufu, mɔgɛ le wo la min bi ko-latelennɛ kɛla tuma-wo-tuma. A ma di a ye, a ni Mariyama lamiliya gbɛ rɔ woletɔ a ya a latɛgɛ ko a ni a bole bɔ a furu-koe rɔ dogɔn rɔ.

Yɔni 8:11

A ya a yabi ko, “N fa, hali kelen ma to.” Nba, Yisa ko, “Nde fanan ti i yiliki. I ni ta kɔnɔ i kana hakɛ kɛ tun.”]

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.

Kɛlɛ-Kurugbɛnu 15:1

Fui-fen-tɛgɛ-wati kenɛ, Samsin ya baa-bulan do bi ka ta wo la ala musi kɔndɔn tinɛ. A ya a fɔ a biran-kei ye ko, “A ma, n ni ta nna musi yen bɔn la.” A biran-kei ma sɔn,

Kɛlɛ-Kurugbɛnu 19:2

Lunyɛ do, musi wo yisi bɔra ala kei kuma ka ta a fa warɛ Bɛtalehɛm. Karɛ nani a siginɛ a fa warɛ.

Kɛlɛ-Kurugbɛnu 19:26

Musi wo ya a lasɔ ka ta a yiyɛ magbenna. A gbɛrɛn kɛmɔgɛ wola bɔn ma, a buira bonda-dɛ rɔ. A tora sani nyɔ ha banda kara.

Kɛlɛ-Kurugbɛnu 19:4

A biran-kei ya anu nasɛgi. Tele sawa, wonu bi a gba ma. A ya anu yiya ka anu de-nyini.