Kɛlɛ-Kurugbɛnu 19:2 - ALLALA KUMƐ

² Lunyɛ do, musi wo yisi bɔra ala kei kuma ka ta a fa warɛ Bɛtalehɛm. Karɛ nani a siginɛ a fa warɛ.

Kɛlɛ-Kurugbɛnu 19:2 ပူးပေါင်းရင်းမြစ်များ

Isikiyɛli 16:28

I sa wasala yɛlɛnyɛ rɔ min kɛ, i kɛnɛna bilala Asiriyanu fɛ. Wonu fanan sa i wasala.

Saraka-Masɔlɛnuta Tɔnnu 21:9

Ni saraka-masɔlɛla dunmusi mara yɛlan la, wo si ma a fala miliya-koe la. Mari ko fɔ ka dan wo lakɛ tɛ rɔ.

Tɔn-Fɔɛ-Fila-Nyɔgɛ 22:21

anu si ta dunmusi wo la a fala bonda-dɛ la. Kei minnu bi soe wo burɔ, wonu si a mabon kuri la nyɔ, ha a ni faga. Sunkurɔn ya miliya-koe le ladan male Isirɛla mɔgɛnu tɛma bawo a ara kei-koe tɛgɛ a fa warɛ bɔn la, ado anu ma a latenbi wɛ ala kei ma fɔlɔn. Ni wole Isirɛla mɔgɛnu ya wo ma, wo si ko-yogomɛ kɛ sufa ban de wo tɛma.

Kɛlɛ-Kurugbɛnu 17:7

Wo wati rɔ, Lifayi bɔnsɔn keminɛ-mɛsɛ do siginɛ Bɛtalehɛm soe burɔ Yuda nyamanɛ rɔ.

Kɛlɛ-Kurugbɛnu 19:1

Wati wo ya a taran, mansa mumɛ sa Isirɛla mɔgɛnu bolo anuna nyamanɛ rɔ. Lifayi mɔgɛ do siginɛ Ifɛrɛm kɔnkɔ-nyamanɛ rɔ wula-yan la. A ya sunkurɔn do bi Bɛtalehɛm soe burɔ Yuda nyamanɛ rɔ ka wo ma a fɛ-sigi-musi la.

Kɛlɛ-Kurugbɛnu 19:3

Wo kɔma, kei wo bɔra Ifɛrɛm nyamanɛ rɔ ka ta a fɛ-sigi-musi wo sagaran a fa warɛ. A sɔgɛ ye a la, a ni ta kuma-diyamɛ fɔ a fɛ-sigi-musi ye alako a ni sɛgi a warɛ bɔn la tun. A ya sofɛlɛ fila bi anubɛ ala wɔli-kɛlɛ. Anu tara. Anu ke a biran-kei warɛ Bɛtalehɛm soe burɔ, a fɛ-sigi-musi wo ya anu nabɛn ka anu yiya bɔn la. A biran-kei ya a yen tumɛ min, a nyagalenta a la ka a kɔndɔn bolo-nyimɛ-kɛ.