Kɛlɛ-Kurugbɛnu 19:16 - ALLALA KUMƐ

¹⁶ Anu bara mɛ sigini nyɔ gbɛ! Kɛmɔgɛ do min telenta wɔlila ala sɛnɛ rɔ, wo nara anu taran nyɔ wurɛ la. Ifɛrɛm kɛ le wo la nun kɔnɔ a bɔra nyɔ le ka na a sigi Kibiya soe wo burɔ Bɛnyamɛ bɔnsɔn-mɔgɛnu tɛma.

Kɛlɛ-Kurugbɛnu 19:16 ပူးပေါင်းရင်းမြစ်များ

Ko-Dabirɛnu 3:19

I ti i beli-fan sɔrɔn ni i ma wusi tirindi. I si to wusi tirindila ha i ni sɛgi bɔnkɛ rɔ tun bawo i bɔra bɔnkɛ le tɔ, ado i ye sɛgila bɔnkɛ le tɔ tun.”

Yaburi 104:23

Wo kɔma, mɔgɛnu ni to tala anuna wɔli-kɛ-tinɛnu tɔ. Anu si telen wɔlila nyɔ ha wurɛ la.

Yaburi 128:2

Ala wɔlɛ si a makoe bɛɛ nyinya. A sewanɛ si ta yarɔ.

Hɛnkilimaya-Kumɛnu 13:11

Mɔgɛ ye wodi min sɔrɔnna yanfanteyɛ la, fɔnyɔ le ye sigila wodi wo kɔrɔ. kɔnɔ min bi wodi ladɛnna doni-doninyɛ ma, wola nɔnfuli si siyaya a bolo ka sabati.

Hɛnkilimaya-Kumɛnu 14:23

Wɔli-belebele si tɔnɛ di mɔgɛ ma kɔnɔ kuma-teleka-teleka-fɔɛ si bolo-kolonyɛ lana mɔgɛ ma.

Hɛnkilimaya-Kumɛnu 24:27

Yanni mɔgɛ ni bɔn sɔ, sɛnɛ fɔlɔn sa.

Makawandili Kumɛnu 1:13

N ya n nyɛrɛ to karan ma alako koe min bɛɛsi ara ma duninya rɔ, n ni wo bɛɛ kɔrɛ lɔn. N bara a yen ko Alla ara dunu-belebele-wɛ le sigi ma kuma kɛ la.

Makawandili Kumɛnu 5:12

Wɔli-kɛlɛ ya fen-ni dɔn wo, a ya fen-ba dɔn wo, a si kinɔgɔ a diya. Kɔnɔ hali nɔnfulu-tigi ya fen-diyamɛ bɛɛ dɔn, a ti kinɔgɔ a fanbolo.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

2 Tɛsalonaika 3:10

Ma ye wo fɛ tumɛ min, ma ko, “Ni min ma wɔlɛ kɛ, wo kana fen dɔn,” ado ma ya tɔn wo lagbɛlɛya wo ye.

Kɛlɛ-Kurugbɛnu 19:1

Wati wo ya a taran, mansa mumɛ sa Isirɛla mɔgɛnu bolo anuna nyamanɛ rɔ. Lifayi mɔgɛ do siginɛ Ifɛrɛm kɔnkɔ-nyamanɛ rɔ wula-yan la. A ya sunkurɔn do bi Bɛtalehɛm soe burɔ Yuda nyamanɛ rɔ ka wo ma a fɛ-sigi-musi la.

Kɛlɛ-Kurugbɛnu 19:14

Anu tenbira Yebusinuna soe wo la. Anu kera Kibiya soe tele-kolo-wulan ma. Kibiya soe kɛ, Bɛnyamɛ bɔnsɔn-mɔgɛnuna soe do le.

Kɛlɛ-Kurugbɛnu 19:15

Anu ya kilɛ boloka ka ta ki nyɔ. Anu ke soe burɔ, anu sigira soe wo tɛma kɔnɔ mɔgɔ-wo-mɔgɔ ma anu yiya.

Kɛlɛ-Kurugbɛnu 19:17

Kɛmɔgɛ wo ya sundan wonu kɔndɔn ka anu manyinika ko, “Wole bɔra mintɔ? Wo ye tala mintɔ?”