Kɛlɛ-Kurugbɛnu 19:12 - ALLALA KUMƐ

^12-13 A tigi ko, “Ma ti ki mɔgɛnu tɛma ni Isirɛla mɔgɛnu ma minnu na. Ma ta doni. Ma si ki Kibiya soe burɔ, ni wo ma, Rema soe.”

Kɛlɛ-Kurugbɛnu 19:12 ပူးပေါင်းရင်းမြစ်များ

Aiseya 10:29

Anu bara tenbi kɔnkɔ-gbɛran la ka ta ki Kiba soe burɔ. Rema so-burɔ-mɔgɛnu kun ma ara kɔ dɔgɔma-ma-de! Kibiya soe, Mansa Sɔli sɔrɔnta kan min, nyɔ-mɔgɛ bɛɛ ara anu buri.

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Hoseya 9:9

Wo ti ko-wo-ko ladan karagbɛlɛyɛ kɔma. Wo mani de iko wo ye Kibiya wati min. Alla si a yili to wo sɔn-yogomɛnu ko ka wo tɔrɔ.

Yasowa 18:25

Kibiyon, Rema, Birɔti,

Yasowa 18:28

Sila, Ilɛfi, Yebusi (min tɔgɛ fanan Yerusalɛm), Kibiya, anubɛ Kiriyati-Yirɔm soe wonu fanan dira Bɛnyamɛ bɔnsɔn-mɔgɛnu ma. Wo damasi lakofunɛ so tan-ni-nani, anu dafɛ-so-nɛnu bɔnɛ a la.

1 Samuwɛli 10:26

Sɔli fanan sɛgira a warɛ Kibiya soe burɔ. Alla ara minnu yisi yɛlɛma, wo mɔgɔ-malɔnnɛ donu bilara a fɛ.

1 Samuwɛli 13:2

Mansa Sɔli ya kɛlɛ-den waga sawa (3,000) bi ka bɔ Isirɛla mɔgɛnu tɛma. A ya a mɔgɛ toenu nasɛgi anu barɛnu tɔ. Ale ya kɛlɛ-dannu wo waga fila (2,000) bi. Wonu tora ale fɛ Mikimasi soe burɔ anubɛ kɔnkɔ-nyamanɛ rɔ Bɛtɛli soe dafɛ. A ya a to waga kelen (1,000) bila ala den Yonatan fɛ. Wonu tara Kibiya soe burɔ Bɛnyamɛta nyamanɛ rɔ.