Kɛlɛ-Kurugbɛnu 18:5 - ALLALA KUMƐ

⁵ Anu ya a fɔ a ye ko, “I yandi, n fa, Alla manyinika ma ye ni mala tagama si diya.”

Kɛlɛ-Kurugbɛnu 18:5 ပူးပေါင်းရင်းမြစ်များ

1 Mansɛnu 22:5

Kɔnɔ ma ni Mari fɔlɔn manyinika.”

2 Mansɛnu 16:15

A ya a fɔ Saraka-Masɔla Yuraya ye ko, “Sarakɛ minnu bi mintanna sɔgɔma wo, bu-gbɛngbɛnnɛ minnu bi mintanna wurɛ la wo, mabɛ nna mɔgɛnu bi nala saraka-mintantɛ anubɛ bu-gbɛngbɛnni-sarakɛ minnu na wo, anubɛ mɔgɛnu bi nala minni-sarakɛ minnu na wo, i ni to wonu bɔla nna saraka-mintan-tina-kurɛ kɛ kuma yan. I ni to saraka-mintantɛnu anubɛ sarakɛ doinu yele purupurula saraka-mintan-tina-kurɛ kɛ ma yan. Marita saraka-mintan-tina-kɔrɛ wo si ma nna bolo tafɛlɛn tinɛ la.”

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Isikiyɛli 21:21

Babilɔn mansɛ wa ke kila-tangbɛ wo ma, a si nya-nyini-kɛ kalabɛnnu na alako a ni a lɔn, ni a si ta kilɛ min fɛ. Wo kɔma, a si ala bɛsɛnu manyinika ka bolo-tafɛlɛn benya la alako ni a si kilɛ lɔn nya min.

Hoseya 4:12

Wo ye kɔlɔma-malɛsɛnɛnu mala wola nya-nyini-kɛ-fannu na. Kɔlɔma-fuyi le wonu na dɔrɔn. Wo si min ma, wonu denu bi wo labilala wonu na. Wo ara wo kan-kɔ don nde, Mari la feufeu! Wo ara nde, Mari boloka iko musu-yɛlan si ala kei boloka nya min ka ta yɛlɛnya-kɛ-tinɛ.

Kɛwɔlɛnu 8:10

Mɔgɔ-su min bɛɛ ye soe wo burɔ, a nɔnfulu-tigi wo, a bolo-kolɔn wo, wo bɛɛ ya a tole masɔ a la bɛrɛkɛ! Anu tora a fɔla ko, “Bɛsɛ min sɛnbɛ kolo bɛsɛ bɛɛtɛ ko, wo nara kei kɛla muninyɛ rɔ.”

Kɛlɛ-Kurugbɛnu 17:13

Maika ya a fɔ a nyɛrɛ ma ko, “N bara Lifayi bɔnsɔn-mɔgɔ-bɛrɛbɛrɛ sɔrɔn min si ma n halalɛ la ka saraka-masɔ-wɔlɛ kɛ n ye. Fɔ Mari wa n wara-koe lata yarɔ.”

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

Kɛlɛ-Kurugbɛnu 18:14

Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”

Kɛlɛ-Kurugbɛnu 18:4

Keminɛ wo ko, “N siginɛ Maika le fɛ yan ka saraka-masɔ-wɔlɛ kɛ a ye. A ye n sarala wola ko la.”

Kɛlɛ-Kurugbɛnu 18:6

Saraka-masɔlɛ wo ko, “Hali wo yisi ma tinya. Mari ye wo fɛ wola tagama kɛ rɔ.”

1 Samuwɛli 9:9

Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)