Kɛlɛ-Kurugbɛnu 18:4 - ALLALA KUMƐ

⁴ Keminɛ wo ko, “N siginɛ Maika le fɛ yan ka saraka-masɔ-wɔlɛ kɛ a ye. A ye n sarala wola ko la.”

Kɛlɛ-Kurugbɛnu 18:4 ပူးပေါင်းရင်းမြစ်များ

Hɛnkilimaya-Kumɛnu 28:21

Ka lafisayalɛ kɛ, wo ma kin, ado kiti-tɛgɛla-su wo si a nyɛrɛ kuman-kan yɛlɛma dɔgɔma-kundu kelan fɛ.

Aiseya 56:11

Anu hamahamɛ iko wulu-wasabɛlɛ. Anu mani de iko saga-fɛ-biralɛ min kunyɛ rakolɔn. Anu sa fenfen kun na fɔ ka hɔn anu nyɛrɛ la. Anu bi nyɔ dɔrɔn fɔ ka anu kin-kɔrɛ lafasa.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Malakayi 1:10

Mari Sɛnbɛ-Bɛɛ-Tigi ko alako nun, wole saraka-masɔlɛ mɔgɔ kelen ya Bato-Bɔn don-dɛ balan nun. Wo si a ma, mɔgɔ ti saraka-fuyinu mintan nyɔ. A sewani ma wonu na. A ko wo ya saraka-wo-saraka di a ma, a ti sɔn wo la.

Kɛwɔlɛnu 20:33

N ma n niyi sa mɔgɔ-wo-mɔgɔla wodi-gbɛ anubɛ ala sɛnɛ kuma, hali ala kurɛ.

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

Taita 1:11

A bɛnta, i ni anu nakala anuna kumɛ ma bawo anu bi denbaya-siyaman tinyana karan wo fɛ. Anu bi wo mala wodila ko la, ado miliya-koe le wodi-makele-koe wo la.

2 Pita 2:3

Ka a tɛgɛ foninya-karan-mɔgɛ wonuna wasabɛlitayɛ ma, anu si to tɔnɛ sɔrɔnna wo kuma anuna foninya-kumɛnu fɛ. Anuna kiti-tɛgɛlɛ rabɛnnɛ le, bi ma, ado anu halakiyi ye a yɛ la feu!

Kɛlɛ-Kurugbɛnu 17:10

Maika ko, “Nba, to nde fɛ yan. Ile si ma n hɛnkili-kɔlɛ la ka saraka-masɔ-wɔlɛ kɛ n ye. San-bo-san, n si wodi-gbɛ-gbu tan di i ma anubɛ i fɛrɛya-bɔɛ anubɛ i beli-fan.”

Kɛlɛ-Kurugbɛnu 18:3

Anu bi nyɔ tumɛ min, anu ya a lɔn a kuma-nya ma ko Lifayi bɔnsɔn-mɔgɛ do le. Anu ya ale keminɛ wo manyinika ko, “Yon nara i la yan? Ile ye nfen mala yan?”

Kɛlɛ-Kurugbɛnu 18:5

Anu ya a fɔ a ye ko, “I yandi, n fa, Alla manyinika ma ye ni mala tagama si diya.”