Kɛlɛ-Kurugbɛnu 18:29 - ALLALA KUMƐ

²⁹ Anu ya Leyisa soe wo tɔgɛ yɛlɛma ka anu benba Yakobala den Dan tɔgɛ sa nyɔ kuma.

Kɛlɛ-Kurugbɛnu 18:29 ပူးပေါင်းရင်းမြစ်များ

Ko-Dabirɛnu 14:14

Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

Ko-Dabirɛnu 30:6

Resɛli ko, “Alla ara nna kiti tɛgɛ ka ko-latelennɛ kɛ n ye. A ara n kuman-kan fanan namɔɛn ka den-kei di n ma.” Woletɔ a ya wo tɔgɔ sa Dan bawo tɔgɛ wo kɔrɛ le iko mɔgɔ wa a fɔ ko, “Ko-latelennɛ.”

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

2 Samuwɛli 17:11

Nde, Husayi si min fɔ wo ye worɔ, i ni kilayɛ lata Isirɛla tonko nanɛ bɛɛ rɔ ko anu ni anu kundɛn kan-tina-kelen. Wo si a ma, ma ni siyaya iko ba-kɛnkɛn. Ma wa wuli tala kɛlɛ rɔ, ile Abasalɔm nyɛrɛ-nyɛrɛ si sɔ ma yarɔ.

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Tɔn-Fɔɛ-Fila-Nyɔgɛ 34:1

Musa bɔra Mohabu lɛɛ rɔ ka ta Nibɔ kɔnkɔ-yɛlɛ dabira. A tara ha Pisiga kɔnkɛ kun tɛma min bi Yɛrikɔ tele-bɔɛ wara la. Mari ya lanyiri-nyamanɛ bɛɛsi yira a la. A ya a yɛ layɛlɛ Yorodan bɛ kunyɛ wara la ka Kaliyadi nyamanɛ mafɛlɛn ha Dan soe ye kan min.

Yasowa 19:47

Wati do, Isirɛla yogenu ya Dan bɔnsɔnta nyamanɛ do bi anu bolo. Woletɔ Dan bɔnsɔn-mɔgɛnu tara nyamanɛ do rɔ anu kantɔ-wara la. Anu ya Lɛsɛm soe mɔgɛ wonu kɛlɛ ka anu faga ka soe wo ma anu nyɛrɛtɛ la. Anu ya anu benba Dan tɔgɛ sa soe wo kuma.

Kɛlɛ-Kurugbɛnu 18:7

Ko-lakɔrɔsila mɔgɔ lolɛ kɛnu bɔra nyɔ. Anu tara ha Leyisa soe burɔ. Anu ke nyɔ, anu ya so-burɔ-mɔgɛ wonu makimanɛ taran sigini iko Saidon kɛnu siginɛ nya min. Anu sa bagala mɔgɛ ma, mɔgɛ sa bagala anu ma. Nɔnfulu-tigi le anu na, ado anu fɛ-yan Saidon kɛnu na. Wo kɔma, anu ti sɔn basanna mɔgɔ-gbɛrɛkɛnu na, anu siginɛ minnu dafɛ.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.