Kɛlɛ-Kurugbɛnu 18:26 - ALLALA KUMƐ

²⁶ Dan bɔnsɔn-mɔgɛ wonu ya kilɛ bira tun. Maika ya a yen min kɛ, anu ti wonu nɔ, anu sɛgira anu kɔma bɔn la.

Kɛlɛ-Kurugbɛnu 18:26 ပူးပေါင်းရင်းမြစ်များ

Ko-Dabirɛnu 49:16

“Ile Dan, i bɔnsɔn si ma kiti-tɛgɛ-latelennɛ anubɛ kɛlɛ-kurugbɛ la Isirɛla bɔnsɔn doinu tɛma.

1 Mansɛnu 12:29

A ya ninki-dan wo kelen to Bɛtɛli soe burɔ. A tara doi to Dan soe burɔ.

Isikiyɛli 48:1

Mari ya a fɔ tun ko, “Nyamanɛ-kantɔ-waralɛ-dan ye a dabirala Mɛdetereniyan kɔgɔ-yi ma ka ta tele-bɔɛ wara la furr, ha Hɛtilɔn soe ka tenbi Hamati kɔnkɔ-gbɛran la. A si bɔ nyɔ ka ta Hesa-Inan soe ha ka ta ke kan-tinɛ do ma min bi Damasika anubɛ Hamati nyamanɛnu tɛma. Sibole bɛɛ ni ata dugi sɔrɔn ka a bi tele-bɔɛ waralɛ-dan ma ka a sigi Mɛdetereniyan kɔgɔ-yi la. Ka a bi a kantɔɛ ma ka yigi, Dan bɔnsɔn fɔlɔn ni atɛ sɔrɔn, wo kɔma, Asɛra bɔnsɔn. Asɛra bɔnsɔn tatugunnɛ le Nafatali bɔnsɔn la. Nafatali bɔnsɔn tatugunnɛ le Manasa bɔnsɔn la. Manasa bɔnsɔn tatugunnɛ le Ifɛrɛm bɔnsɔn la. Ifɛrɛm bɔnsɔn tatugunnɛ le Rubɛn bɔnsɔn la. Rubɛn bɔnsɔn tatugunnɛ le Yuda bɔnsɔn la.

Kɛlɛ-Kurugbɛnu 18:25

Dan bɔnsɔn-mɔgɛ wonu ya a fɔ ko, “Hali ma ma wo kuman-kan lamɔɛn ma tɛma yan tun! Ni wo ma, kemini-karagbɛlɛ kɛnu si wobɛ ila denbayɛnu faga tɛrr!”

Kɛlɛ-Kurugbɛnu 18:27

Dan bɔnsɔn-mɔgɛ wonu tɛ Maikala saraka-masɔlɛ la, anu tara bui Leyisa soe ma. Leyisa soe anubɛ Bɛti-Rihobu soe ye lɛɛ kelen de rɔ, ado Leyisa mɔgɛnu makimani de! Anu miri sa kɛlɛ ko ma. Dan bɔnsɔn-mɔgɛnu tara anu natɛrɛna ka anu faga. Anu ya soe wo mintan. Leyisa so-burɔ-mɔgɛ wonu ma anu dɛnbɛna sɔrɔn ka bɔ Saidon soe burɔ bawo anu fɛ-yan wonu na, ado anu ti sɔn basanna mɔgɔ-gbɛrɛkɛnu na iko komi wonu si na anu dɛnbɛ. Dan bɔnsɔn-mɔgɛ wonu ya soe wo sɔ a kurɛ kɛ tun ka anu sigi nyɔ.