Kɛlɛ-Kurugbɛnu 18:2 - ALLALA KUMƐ

² Anu ya mɔgɔ-kerinte loli yabɔ ka wonu ma ko-lakɔrɔsilɛnu na. Anu bɔra Sora soe anubɛ Ɛsateyoli soe ka ta nyamani-lakɔrɔsi-tinɛ. Anu ke Ifɛrɛm kɔnkɔ-nyamanɛ rɔ, anu yiyara Maikala bɔn la saraka-masɔlɛ Lifayi bɔnsɔn-mɔgɛ wo siginɛ kan min.

Kɛlɛ-Kurugbɛnu 18:2 ပူးပေါင်းရင်းမြစ်များ

Ko-Dabirɛnu 42:9

Yusufu ya kiyo minnu sa anuna ko la, a ya a hɛnkili lamiri wonu ma. A ya a fɔ a kɔrɔnu ye ko, “Wole ma na dɔn-fen san tina. Wole nara ko-lakɔrɔsi tinɛ le. Wole nara alako wo ni mala nyamanɛ da masa tinɛ lɔn.”

Hɛnkilimaya-Kumɛnu 20:18

Yanni mɔgɛ ni ko ladan, a ni mɔgɛ do nyini min si hɛnkili di a ma. Hali mɔgɛ ye kɛlɛ-belebele do kɛla, fɔ a ni mɔgɛ donu sɔrɔn minnu si hɛnkili di a ma.

Yilan-Yilan Koe 13:17

Musa ya anu nata Kenan nyamanɛ mafɛlɛn tinɛ. A ya a fɔ anu ye ko, “Wo ta Kenan nyamanɛ mafɛlɛn ka a fɔlɔ yan ma. Wo ni wo telen Kenan dugula wara la. Wo wa bɔ nyɔ, wo ni ta kantɔ-wara la kɔnkɛnu siya kan min.

Luka 14:31

“Ni mansɛ ye nyɔ, kɛlɛ-den waga tan (10,000) ye min bolo, ni a ko a ni ta mansɛ do kɛlɛ, kɛlɛ-den waga mogan (20,000) ye min bolo, a si a sigi fɔlɔn ka a lɔn ni sɛnbɛ ye a bolo ka mansɛ wo nɔ.

Yasowa 15:33

Soe minnu bi kɔnkɔ-mɛsɛmɛnu kuma, wo le kɛnu na, Ɛsateyoli, Sora, Asana,

Yasowa 19:41

Sora, Ɛsateyoli, Ɛrasimɛsi,

Yasowa 2:1

Yasowa ya mɔgɔ fila lata ka bɔ Akasiya dagɛ rɔ ka ta Kenan nyamanɛ mafɛlɛn dogɔn rɔ, katarala Yɛrikɔ soe ma. Mɔgɔ filɛ wonu tara ke Yɛrikɔ soe burɔ. Anu kira musu-yɛlan do warɛ min tɔgɛ Rehabi. A si sundannu yiya.

Yasowa 2:2

Mansɛ ya wo lamɔɛn tumɛ min ko mɔgɛ donu bara na anuna so lakɔrɔsi tinɛ,

Kɛlɛ-Kurugbɛnu 13:2

Dan bɔnsɔn-mɔgɛ do min siginɛ Sora soe burɔ, a tɔgɛ Manowa. Gbandɛ le ala musi la nun.

Kɛlɛ-Kurugbɛnu 13:25

Marita sɛnbɛ yigira Samsin kuma kɛlɛ-dannuna dagɛ rɔ Sora soe anubɛ Ɛsateyoli soe tɛma Dan nyamanɛ rɔ.

Kɛlɛ-Kurugbɛnu 16:31

Ala mɔgɛnu nara a furi bi ka ta a togon a fa Manowata kaburu-soe rɔ Sora soe anubɛ Ɛsateyoli soe tɛma. Samsin ya san mogan le bɔ kɛlɛ-kurugbayɛ la Isirɛla mɔgɛnu kun na.

Kɛlɛ-Kurugbɛnu 17:1

Kei do ye nyɔ, a tɔgɔ Maika. A siginɛ Ifɛrɛm kɔnkɔ-nyamanɛ rɔ.

Kɛlɛ-Kurugbɛnu 18:11

Dan bɔnsɔn-mɔgɔ kɛmɛ wɔrɔ (600) ya anu mabɛn kɛlɛ wo kan ma ka bɔ Sora soe anubɛ Ɛsateyoli soe burɔ.

Kɛlɛ-Kurugbɛnu 18:13

Anu bɔra nyɔ. Anu tara Maika warɛ Ifɛrɛm kɔnkɔ-nyamanɛ rɔ.

Kɛlɛ-Kurugbɛnu 18:3

Anu bi nyɔ tumɛ min, anu ya a lɔn a kuma-nya ma ko Lifayi bɔnsɔn-mɔgɛ do le. Anu ya ale keminɛ wo manyinika ko, “Yon nara i la yan? Ile ye nfen mala yan?”

Kɛlɛ-Kurugbɛnu 18:8

Ko-lakɔrɔsilɛ wonu sɛgira anu barɛ Sora anubɛ Ɛsateyoli tumɛ min, anuna mɔgɛnu ya anu manyinika ko, “Wo ni wo dantɛgɛ.”

Kɛlɛ-Kurugbɛnu 19:1

Wati wo ya a taran, mansa mumɛ sa Isirɛla mɔgɛnu bolo anuna nyamanɛ rɔ. Lifayi mɔgɛ do siginɛ Ifɛrɛm kɔnkɔ-nyamanɛ rɔ wula-yan la. A ya sunkurɔn do bi Bɛtalehɛm soe burɔ Yuda nyamanɛ rɔ ka wo ma a fɛ-sigi-musi la.

Kɛlɛ-Kurugbɛnu 19:18

Lifayi kei wo ko, “Ma bɔra Bɛtalehɛm le. Ma ye sɛgila ma warɛ wula-yan la Ifɛrɛm kɔnkɔ-nyamanɛ rɔ. Mɔgɔ ma ma yiya yan.