Kɛlɛ-Kurugbɛnu 18:17 - ALLALA KUMƐ

^17-18 Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”

Kɛlɛ-Kurugbɛnu 18:17 ပူးပေါင်းရင်းမြစ်များ

Ko-Dabirɛnu 31:30

Nba, n ya a lɔn ko i wara n boloka bawo i fa-sɔgɛ ara i bira. Kɔnɔ hali wo, n bi bɛsɛ minnu kɔla, nfenna i wara wonu kankan?”

Bɔ-Koe-Iyipiti 32:20

Musa ya ninki-danla muninyɛ wo bi ka a lakɛ tɛ rɔ. Wo mintanta tumɛ min, a ya a bunden ka a munke kɛ yi rɔ. A ya yi wo di Isirɛla mɔgɛnu ma ko fɔ anu ni wo min.

Aiseya 41:29

“Fufafuyi le bɛsɛ wonu na. Anu ti ko-wo-ko nyinya. Anu dama rafaganɛ, sɛ sa bɛsɛ wonu ye.”

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Isikiyɛli 21:21

Babilɔn mansɛ wa ke kila-tangbɛ wo ma, a si nya-nyini-kɛ kalabɛnnu na alako a ni a lɔn, ni a si ta kilɛ min fɛ. Wo kɔma, a si ala bɛsɛnu manyinika ka bolo-tafɛlɛn benya la alako ni a si kilɛ lɔn nya min.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Maika 5:13

Wo ye bɛsɛ minnu kɔla, a si wonu kasara. Woletɔ wo si fan minnu nadan wo nyɛrɛ bole la, wo ti wonu kɔ tun!

Kɛlɛ-Kurugbɛnu 18:14

Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”

Kɛlɛ-Kurugbɛnu 18:16

Kɛlɛ-den kɛmɛ wɔrɛ (600) wonu sɔra bɔn wo sansan-don-dɛ fɛ.

Kɛlɛ-Kurugbɛnu 18:2

Anu ya mɔgɔ-kerinte loli yabɔ ka wonu ma ko-lakɔrɔsilɛnu na. Anu bɔra Sora soe anubɛ Ɛsateyoli soe ka ta nyamani-lakɔrɔsi-tinɛ. Anu ke Ifɛrɛm kɔnkɔ-nyamanɛ rɔ, anu yiyara Maikala bɔn la saraka-masɔlɛ Lifayi bɔnsɔn-mɔgɛ wo siginɛ kan min.

Kɛlɛ-Kurugbɛnu 6:31

Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”

1 Samuwɛli 19:13

Ala musi ya anuna bɛsɛ bi min bi anu bolo bɔn wo la ka wo sa a gbɛ rɔ sa-fan rɔ. A ya baa-siyi bi ka wo sa bɛsɛ wo kunyɛ wara la ka kurɛ burun bɛsɛ wo ma.

1 Samuwɛli 4:11

Min tenbira wo la, Filisitinu ya Allata tɔn-kenkirɛ bi anu bolo. Ilayila den-kemini filɛ, Hɔfini anubɛ Finihasi, wonu kunyɛ tora kɛlɛ wo rɔ.