Kɛlɛ-Kurugbɛnu 18:14 - ALLALA KUMƐ

¹⁴ Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”

Kɛlɛ-Kurugbɛnu 18:14 ပူးပေါင်းရင်းမြစ်များ

Yobu 3:2

E, Alla, alamɛ n sɔrɔn-tele ya dankɛ sɔrɔn. Min kolo wo ko, n na ya n buyi bi suyi min tɔ, alamɛ wo fanan halakira.

Hɛnkilimaya-Kumɛnu 19:27

Nna den, ni i ya i ban karan la, i ya min lɔn kɔrɔma la, i si na nyina wo ko.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

Kɛlɛ-Kurugbɛnu 18:13

Anu bɔra nyɔ. Anu tara Maika warɛ Ifɛrɛm kɔnkɔ-nyamanɛ rɔ.

Kɛlɛ-Kurugbɛnu 18:15

Anu damasi tara Maikala bɔn magbenna Lifayi-keminɛ wo ye kan min. Anu ke nyɔ, anu ya Lifayi-keminɛ wo kɔndɔn.

Kɛlɛ-Kurugbɛnu 8:27

Kidiyɔn ya sɛnɛ wonu nalee ka a ma fɔlɔnfalan-kundi la. A tara wo la a warɛ Ɔfara soe burɔ. Isirɛla mɔgɔ damasi ya hakɛ kɛ ka don sɛnɛ-fɔlɔnfalan-kundi wo batoe rɔ. Sɛnɛ min manɛ fɔlɔnfalan-kundi wo la, wo mara gbɛrɛ la Kidiyɔn anubɛ ala denbayɛ ye.

1 Samuwɛli 14:28

Kɔnɔ kɛlɛ-dan do ya a fɔ a ye ko, “Male damasi mankulan le bɔnɛ ma ma kɛ la kɔnkɛ bolo bawo i fa ara ma ladanka. A ko ma do-wo-do kana dɔn-fen bila ma dɛ rɔ bi.”

1 Samuwɛli 19:13

Ala musi ya anuna bɛsɛ bi min bi anu bolo bɔn wo la ka wo sa a gbɛ rɔ sa-fan rɔ. A ya baa-siyi bi ka wo sa bɛsɛ wo kunyɛ wara la ka kurɛ burun bɛsɛ wo ma.