Kɛlɛ-Kurugbɛnu 17:4 - ALLALA KUMƐ

⁴ A ban wodi-gbɛ wo donna a na bolo tumɛ min, siyaki min bi wɔlɛ wo kɛla, a na ya wodi-gbɛ-gbu kɛmɛ fila bi ka a don siyaki wo bolo. Siyaki ban bɛsɛ wo ladanna wodi-gbɛ wo la, anu tara a lamara Maika wola bɔn la.

Kɛlɛ-Kurugbɛnu 17:4 ပူးပေါင်းရင်းမြစ်များ

Aiseya 30:22

Wola bɛsɛ minnu makirinɛ sɛnɛ anubɛ wodi-gbɛ la, wo si wonu nafili a rɔ iko fen-gbalɛ ka a fɔ ko, “Bɔ n yakɔrɔ.”

Aiseya 44:13

Kɔlɔma-lɛsɛlɛ wo si kɔlɔma suma. A si bɛsɛ wo ladan-bole suma kɔlɔma wo ma ka a lɛsɛ dabira. A si a ladan a kin na iko hadama-dan. A wa ban a ladanna, a si ta a sigi a kɔ tinɛ rɔ.

Habakuku 2:18

Tɔnɔ-nyamintan ye bɛsɛnu na? Mɔgɛnu denu ya bɛsɛ wonu nadan. Bɛsɛ wonu bi foninyɛ le dɔrɔn fɔla wo ye. Ni bɛsi-tigi ya a yigi sa ala bɛsi-kumabɛlɛ wo rɔ, wo si tɔnɔ-nyamintan di a ma?

Tɔn-Fɔɛ-Fila-Nyɔgɛ 27:15

“ ‘Alamɛ Allata dankɛ taranta wo mɔgɛnu kuma minnu bi fannu lɛsɛla bɛsɛnu muninyɛ rɔ ka anu kɔ hali dogɔn rɔ bawo bɛsɛnu ma di Alla ye.’ “Minnu bi danka-kɔnkɛ wo bu la, wonu si a labira ko, ‘Amina.’

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

Kɛlɛ-Kurugbɛnu 18:17

Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”