Kɛlɛ-Kurugbɛnu 17:10 - ALLALA KUMƐ

¹⁰ Maika ko, “Nba, to nde fɛ yan. Ile si ma n hɛnkili-kɔlɛ la ka saraka-masɔ-wɔlɛ kɛ n ye. San-bo-san, n si wodi-gbɛ-gbu tan di i ma anubɛ i fɛrɛya-bɔɛ anubɛ i beli-fan.”

Kɛlɛ-Kurugbɛnu 17:10 ပူးပေါင်းရင်းမြစ်များ

Ko-Dabirɛnu 45:8

“Woletɔ wole ma n nana yan fɔ Alla. A ya n ma kun-tigi la Iyipiti nyamanɛ bɛɛ kun na ka n ma Iyipiti mansɛla kandɛ la. Iyipiti mumɛ bɛɛ ye nde le bolo.

2 Mansɛnu 13:14

Sa-kirayɛ do ya Nɛbi Ilaisa bira. Kirayɛ gbɛlɛyara tumɛ min, Isirɛla Mansa Yɛhowasi nara a kɔndɔn tinɛ. A ke nɛbi wo ma, a dira. A ko, “E, n fa, Isirɛla kandan-natugu-ragbɛlɛ le ile la.”

2 Mansɛnu 2:12

Nɛbi Ilaisa ya a yen yɛlɛla, a ya a rakele, a ko, “E, n fa! Ile Isirɛla latankalɛ! I wara ta!” Nɛbi Ilaisa ma a yen tun. Yisi-tinyɛ wola ko la, Nɛbi Ilaisa ya a kan-na-duruki rafara filɛ la.

2 Mansɛnu 6:21

Isirɛla mansɛ ya Siriya kɛlɛ-dan wonu yen tumɛ min, a ya Nɛbi Ilaisa manyinika a ko, “N fa, n ni anu faga? N ni anu faga fasai?”

Yobu 29:16

Bolo-kolɔnnu fa le nde la. Sundannu ba bila nanparan rɔ, n bi anu dɛnbɛna.

Aiseya 22:21

Wo wa na tumɛ min, Mari ko a si ila sɔ tinɛ di ale Ilayakim ma ka ila mɔgɔ-baya-duruki don a kan na anubɛ a butɛ-kiri-fan. Wo si ma Yuda kɛnu anubɛ Yerusalɛm kɛnu fa la.

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Matiyu 26:15

A ya a fɔ anu ye ko, “Ni n ya Yisa don wo bolo, wo si nfen di n ma?” Anu ya wodi-gbɛ bi-sawa dan ka wo di a ma.

Yɔni 12:6

Yudasi ma kɛ fɔ bawo a ye hɔnna bolo-kolɔnnu na kɔnɔ bawo kankan le ale la nun, ado ale le ye wodi-bɔrɛ dununa Yisala karan-dannu ye. Nba, a ye do bila wodi wo rɔ nun a nyɛrɛ makoe la.

1 Timoti 6:10

bawo ko-yogoma-sufa-bɛɛ-dabirɛ le wodi-kenɛ la. A sɔrɔn-sɔgɛ ya mɔgɛ donu bira kati! Wonu tigi bara bɔ dɛnkɛninya-koe rɔ, ado anu yisi ara tinya mɔni siyaman bolo.

1 Pita 5:2

N bi wo madiyala ko Alla ara mɔgɛ minnu di wo ma, wo ni wonu kandan iko saga-fɛ-biralɛ si ala saga-kurɔn kandan nya min. Wo ni anu kandan a kin na, ado wo le di Alla ye. Wo kana a kɛ fɔrɔsɛ la. Wo kana a kɛ sara-koe la. Wo ni to wɔlila sewɛ rɔ wo yisi bɛɛ la.

Kɛlɛ-Kurugbɛnu 17:11

Lifayi-keminɛ wo sɔnta a sigi-koe ma a fɛ. Maika ya a ma ala saraka-masɔlɛ la ka a bira iko ala dan. Lifayi-keminɛ wo tora sigini Maika fɛ bɔn la.

Kɛlɛ-Kurugbɛnu 17:9

Maika ya ale keminɛ manyinika a bɔ-tinɛla ko ma. A ko, “Lifayi bɔnsɔn-mɔgɛ do le nde la ka bɔ Bɛtalehɛm soe burɔ Yuda nyamanɛ rɔ. N bi n sigi-tina-nyinɛ le la.”

Kɛlɛ-Kurugbɛnu 18:4

Keminɛ wo ko, “N siginɛ Maika le fɛ yan ka saraka-masɔ-wɔlɛ kɛ a ye. A ye n sarala wola ko la.”

1 Samuwɛli 2:36

A ko ni wo ya a taran, ile kegeyɛ min bi a niyi la wo wati rɔ, wonu si ta saraka-masɔlɛ wo tara dɔn-fan anubɛ wodi ma. Anu si to saraka-masɔlɛ wo madiyala alako wo si wɔlɔni di anu ma nya min, anu si anu beli-fan sɔrɔn min tɔ.”