Kɛlɛ-Kurugbɛnu 16:7 - ALLALA KUMƐ

⁷ Samsin ya a fɔ a ye ko, “Anu ni fasa-kuran wɔrɔnfila bi ka n kiri wonu na. Ni min ya wo ma n na, wo si n fanka bɔ n na.”

Kɛlɛ-Kurugbɛnu 16:7 ပူးပေါင်းရင်းမြစ်များ

Hɛnkilimaya-Kumɛnu 12:19

Siyi ye tonyɛ la burubukai kɔnɔ siyi sa foninyɛ la feu!

Hɛnkilimaya-Kumɛnu 17:7

I ti i miri hɛnkilimaya-kumɛ ma kun-takolɔn bolo nya min, i ti i miri foninyɛ fanan ma kun-tigi bolo wo nya na le.

Romu 3:8

Ni tonyɛ le wo la, fɔ ma wa ko-yogomɛ kɛ alako ko-nyimɛ ni bɔ gbɛ rɔ. Minnu bi wo fɔla, a bɛnta, wonu ni yiliki sɔrɔn, ado mɔgɛ donu bi a fɔla ko nde, Pɔli fanan bi kɛ le fɔla serr!

Kalesiya 6:7

Wo kana wo nyɛrɛ yanfa bawo mɔgɛ ti ke Alla mayuwayala. Mɔgɔ wa min fui, a ye wo le tɛgɛla, yɔ!

Kɔlɔsi 3:9

Wo kana foninyɛ fɔ wo nyɔgɔn ye bawo wo ara mɔgɔya-kɔrɛ boloka anubɛ wo kɛ-nyanu.

Kɛlɛ-Kurugbɛnu 16:10

Dɛlaila ya a fɔ Samsin ye ko, “Yaga, i ye n mayuwaya tinɛ le nun ka foninyɛ fɔ n ye. I kiri-mɔlɔni-bɛrɛbɛrɛ fɔ n ye.”

Kɛlɛ-Kurugbɛnu 16:6

Dɛlaila ya a fɔ Samsin ye ko, “Samsin, i yandi, i si i sɛnbɛ sɔrɔn nya min, wo fɔ n ye. Mɔgɛ si nfen ma i la min si a ma, i ni foo i sɛnbɛ la alako i si kiri nya min.”

Kɛlɛ-Kurugbɛnu 16:8

Dɛlaila tara wo fɔ Filisiti mɔgɔ-ba wonu ye. Wonu nara fasa-kuran wɔrɔnfila la ka anu don ala sunkurɔn Dɛlaila bolo. A ya Samsin kiri wonu na.

Kɛlɛ-Kurugbɛnu 16:9

Wo le ya a taran, Filisiti fonike donu dogonnɛ Dɛlaila bolo bɔn burɔ nyɔ. Dɛlaila ya Samsin takele, a ko, “Filisitinu bara na i kan ma de!” Tiriyante wo rɔ, a ya a lasɔ ka fasɛ wonu tatɛgɛ a ma iko tɛ wa yesekari mintan. Anu ma ke ka a gbundu lɔn ala fanka wo wara-koe rɔ.

1 Samuwɛli 19:17

Mansa Sɔli ya a yen min kɛ ko a ma Dawuda lasɔrɔn, a ya ala dunmusi manyinika ko, “Nfenna i wara n yanfa ha n yoge ara a buri n kɔrɔ?” Ala dunmusi ya a fɔ a ye ko, “Nna kei ko ni n ma a dɛnbɛ wo nya, a si n faga.”

1 Samuwɛli 27:10

Mansa Akisi si a manyinika ko, “I tara kɛlɛ kɛ mintɔ wara la nun kɛ rɔ?” Lunyɛ do, Dawuda si a fɔ a ye ko, “N tara kɛlɛ kɛ Yuda nyamanɛ dugula wara la le.” Lunyɛ do, a si a fɔ fanan ko, “N tara i yoge Yɛramɛlinu kɛlɛ tinɛ le.” Lunyɛ do fanan, a si a fɔ ko, “N tara i yoge Kenanu kɛlɛ tinɛ.”