Kɛlɛ-Kurugbɛnu 16:28 - ALLALA KUMƐ

²⁸ Samsin ya Mari rakele ko, “E, n tigi Alla, n bara i madiya, i miri n ma. Nna fanka lasɛgi n ma kɛ kelan rɔ alako n ni n tayili sara Filisiti kɛ kɛnu na minnu bara n ya-filɛ tii kɛ la.”

Kɛlɛ-Kurugbɛnu 16:28 ပူးပေါင်းရင်းမြစ်များ

2 Ko-Kɔrɔta-Karan 20:12

Mata Alla le ile la. Kɛlɛ-den-siyamɛ minnu bara na ma kan ma kɛ la, ma dɛnbɛna-gbɛrɛ sa kɛlɛ kɛ rɔ fɔ ile. I yandi, na ma yoge kɛnu tɔrɔ ma ye. Ma kɔndɔfilinɛ. Ma yɛ bɛnnɛ ile le ma ma dɛnbɛn-koe rɔ.”

Yaburi 10:12

E, Mari Alla, karagbɛlɛ kɛnu tɔrɔ. Minnu bi tɔrɔyɛ rɔ, i ni i fonde lamiri wonu ma.

Yaburi 116:4

Wo le ya a ma, n ya Mari rakele n ko, “I yandi, n Mari, n nakanan!”

Yaburi 143:12

N yogenu faga n ye ka a tɛgɛ ila keninteya-wɛla ko ma. N niyi-ragbɛrɛnnɛnu kasara n ye bawo ila wɔli-kɛlɛ le nde la.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yɛrɛmaya 15:15

E, Mari, ile min ya ko lɔn, i fonde lamiri n ma ka n nakanan. N tayili sara n tasɛlɛnu na. I kana i munyu anu kɔrɔ, ha anu ni n faga. Mari, anu bi tɔrɔyɛ min bɛɛ sigila n ma, wo bɛɛ tɛgɛnɛ ile le ma.

Yona 2:7

N ya a lɔn tumɛ min ko n bara gbɛrɛn kanba-dɛ ma, n ya ile Mari matara. I ya n kuman-kan lamɔɛn ita bon-sɛnimɛ la.

2 Timoti 4:14

Alɛsanda, siyaki, kɔni, a ya ko-yogoma-ba kɛ n na. Mari si a sara iko ala kɛwɔlɛ ye nya min.

Hiburunu 11:32

N ni misalɛ do yira wo la tun, ba? Wati-yan sa n bolo ka Kidiyɔnna koe fɔ anubɛ Bɛraki anubɛ Samsin anubɛ Yɛfɛta anubɛ Mansa Dawuda anubɛ Samuwɛli anubɛ a nɛbi-toenu.

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

Kɛlɛ-Kurugbɛnu 16:27

Wo ya a taran, bɛsi-bɔn wo lafanɛ mɔgɛnu na pin! Filisitinuna kun-tigi bɛɛsi ye nyɔ. Mɔgɔ waga sawa (3,000) fanan ye san-bɔn kuma nyɔ, musi wo, kei wo. Anu yɛ bɛnnɛ Samsin ma, a ye a dɔnna.

Kɛlɛ-Kurugbɛnu 16:29

Sɛnbɛrɛn-kɔn filɛ minnu sɔnɛ bɔn wo kɔrɔ, Samsin sɔra wonu tɛma ka wonu bira.

Kɛlɛ-Kurugbɛnu 5:31

“E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.