Kɛlɛ-Kurugbɛnu 16:24 - ALLALA KUMƐ

^24-25 Anu bi sewɛ wo rɔ, anu ya a fɔ ko, “Wo ni Samsin labɔ ka na a la ma tɛma alako ma ni a mayɛlɛn.” Anu ya a labɔ yele la tumɛ min, anu ya a ma mayɛlɛnma-fan la. Anu donta anuna bɛsɛ wo matɔgɔ rɔ. Anu bi sigi sala ko, “Ma yoge kɛ ara mala nyamanɛ tinya. Ma yoge kɛ ara ma mɔgɔ-siyaman faga. Mala bɛsɛ ara wo le don ma bolo kɛ la.” Anu tara ale Samsin sɔ anuna bɛsi-kɔ-tinɛ wo sɛnbɛrɛn-kɔn filɛ tɛma.

Kɛlɛ-Kurugbɛnu 16:24 ပူးပေါင်းရင်းမြစ်များ

1 Ko-Kɔrɔta-Karan 10:9

Anu ya Mansa Sɔli kunyɛ tɛgɛ a la ka ala kɛlɛ-mirannu bɔ a ma. Kilayɛnu tara wonu na anuna bɛsɛnu bara. Wo mankan sigira Filisitinu ma.

Yaburi 97:7

Min bɛɛ ye bɛsɛnu kɔla, wonu si miliya. Mɔgɛnu bi fan min bɛɛsi kɔla, wonu si anu madu Mari kɔrɔ.

Aiseya 37:20

I yandi, mata Mari Alla, ma tanka Asiriyanu masibɛ ma alako duninya bɛɛ ni a lɔn ko ile Mari kelen pe le Alla la.”

Isikiyɛli 20:14

Kɔnɔ n ya a bira n tɔ bawo ni n ya wo ma nun, n ti gbiliyɛ sɔrɔn sibolo doi wonu bolo minnu ya n yen anu nabɔla Iyipiti.

Daniyɛli 5:23

Ile wo, ila mɔgɔ-banu wo, ila bara-musinu wo, ila fɛ-sigi-musinu wo, wo ara gbɛɛ min Allata mirannu tɔ minnu bɔra a Bato-Bɔn la. Wo ara a ma, i wara bila Ma Tigi Arinyɛnɛ-Mari la. Wo ye gbɛɛ minyɛ wo kun na, wo ye wola bɛsɛnu kɔla fanan minnu nadannɛ sɛnɛ la, anubɛ wodi-gbɛ, anubɛ silɛɛ. Donu nadannɛ nɛgɛ la, anubɛ kɔlɔma, anubɛ kuri. Nba wo ye bɛsɛ minnu kɔla, wonu ya sa, anu tolo sa, anu hɛnkili mumɛ sa. Kɔnɔ wo niyi ye Allatala min bolo, wo sa wo gbiliyala.

Daniyɛli 5:4

ka anuna bɛsɛnu kɔ. Bɛsɛ wonu nadannɛ sɛnɛ la anubɛ wodi-gbɛ, anubɛ silɛɛ, anubɛ nɛgɛ, anubɛ kɔlɔma, anubɛ kuri.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

Kɛlɛ-Kurugbɛnu 15:14

Anu ke Gbaga-Gbaga-Koloya soe ma, Filisitinu burimatoe le nara a magbenna. Anu bi sɛrɛn-sɛrɛnna a ma. Marita sɛnbɛ yigira Samsin kuma. A ya fanka sɔrɔn. A ya yili wo ratɛgɛ a bole ma iko yesekari-lamurunnɛ.

Kɛlɛ-Kurugbɛnu 15:16

Samsin ya sigi sa, a ko, “N bara sofɛlɛ gbaga-gbaga-kole bi ka mɔgɔ waga kelen faga wo la. Wo kɔma, n ya anu suyi ladɛn kan-tina fila anu nyɔgɔn kuma iko sendi sofɛlɛ gbaga-gbaga-kole wo la.”

Kɛlɛ-Kurugbɛnu 15:8

A kɛra anu ma wuyan, ka anu siyaman faga. Wo kɔma, a tara mɛ Itam faran la.

1 Samuwɛli 31:9

Anu ya Mansa Sɔli kunyɛ tɛgɛ a la ka ala kɛlɛ-mirannu bɔ a ma. Filisitinu ya wonu bi ka ta wonu na anu bolo ka kumɛ wo fɔ anuna bɛsi-kɔ-tinɛnu na anubɛ Filisiti mɔgɛ bɛɛ ye.