Kɛlɛ-Kurugbɛnu 16:2 - ALLALA KUMƐ

² Kesa mɔgɛnu ya a lɔn tumɛ min ko Samsin ye soe wo burɔ, anu ya anu kundɛn ka ta a makɔnɔ soe wo tarɛ-don-dɛ la kikudu! Anu ya a fɔ anu nyɔgɔn ye wɛwɛ rɔ ko, “Bandɛ wa ka, ma ni a faga.”

Kɛlɛ-Kurugbɛnu 16:2 ပူးပေါင်းရင်းမြစ်များ

Matiyu 21:38

Kɔnɔ anu ya ala dan wo yen nala tumɛ min, anu ya a fɔ anu nyɔgɔn ye ko, ‘Ki-fen-tigila dan le nala kɛ la. Wo na, ma ni a faga. Ma si a bolo-fannu sɔrɔn worɔ!’

Matiyu 27:1

Subaga-dɛ ma, saraka-masɔla-wɛ bɛɛ anubɛ Yahudiya-kɛmɔgɛnu ya anu nyɔgɔn nadɛn ka sɔn Yisa faga-koe ma.

Luka 21:20

“Wo wa Yerusalɛm lafoonɛ yen kɛlɛ-dannu na tumɛ min, wo si a lɔn worɔ ko a kasara-tumɛ ara gbɛrɛn.

Kɛwɔlɛnu 23:15

Woletɔ wole kun-tigi-toenu ni sarakanɛ lata Romu kɛlɛ-den-kun-tigi-ba wara. Wo ni a ma iko wo ye a fɛ le ka Pɔlila koe fɛsɛfɛsɛ a kilɛ fɛ. Wo ni a fɔ a ye ko a ni ale Pɔli latenbi wo ma. Male si ma rabɛn ka a faga kilɛ la.”

Kɛwɔlɛnu 9:24

Kɔnɔ wonu bi min kun na, mɔgɛ do ya wo fɔ ale Sɔli ye. Anu tora soe tarɛ-don-dɛnu mafɛlɛnna su-ni-tele alako anu si a faga nya min.

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

Kɛlɛ-Kurugbɛnu 16:3

Su-talɛ ma, Samsin ya a lasɔ. A tara soe tarɛ kankan anubɛ a kɔlɔmanu wurun burutu! A ya wonu sa a kan ma. A tara anu na ha kɔnkɛ do kuma min bi Hiburɔn soe kuma.

1 Samuwɛli 19:11

Wulɔn suyi rɔ, ale Mansa Sɔli ya keminɛ donu nata Dawudala bon makandan tinɛ alako a wa bɔ sɔgɔma, anu ni a bira ka a faga. Ale Dawudala musi Mikali ya a makawandi, a ko, “Ni i ma i bɔ yan bi suyi kɛ rɔ, sina sɔgɔma, fɔ anu ba i faga.”

1 Samuwɛli 23:26

Dawudanu bi kɔnkɛ yɛ doi ma tumɛ min, Sɔlinu bi a yɛ doi fanan ma. Mansa Sɔli anubɛ ala kɛlɛ-dannu gbɛrɛnta Dawuda anubɛ ala keminɛnu ma. Kɔnɔ Dawuda anubɛ ala keminɛnu ya anu natiriya anu burila Mansa Sɔli anubɛ ala kɛlɛ-dannu kɔrɔ. A tora doni Mansa Sɔli anubɛ ala kɛlɛ-dannu ni Dawuda anubɛ ala keminɛnu bira.