Kɛlɛ-Kurugbɛnu 16:19 - ALLALA KUMƐ

^19-20 Dɛlaila ya Samsin sa a kian kuma ha kinɔgɛ tenbira a ma a kian kuma nyɔ. Dɛlaila ya kun-matɛgɛlɛ do kele. Wo nara a soro wɔrɔnfilɛ wonu matɛgɛ. A ya Samsin takele, a ko, “Samsin, Filisitinu bara na de!” Musi wo ya Samsin nɔ bawo a ara foo a fanka la. Samsin kundennɛ, a ya a lɔn ko a sɛnbɛ ye a gbɛ le tɔ. Ale miri ko a wa a lasɔ, a si ke le a rasaganna mɔrɔtɔtɔ, ka yili ratɛgɛ a ma iko fɔlɔ. A ma a lɔn ko Mari ara a boloka.

Kɛlɛ-Kurugbɛnu 16:19 ပူးပေါင်းရင်းမြစ်များ

Makawandili Kumɛnu 7:26

N bara koe do yen min gbɛlɛ sayɛ ko. Wo le wo musi la min tɔgɛ musu-milibɛlɛ. A mani de iko gbɛrɛ. A yisi mani de iko fɛlɛ-wɛ. A bole mani de iko yɔlɔkɛ. Allata mɔgɛ le dɔrɔn si a masangba kɔnɔ a ti mɛ hakɛ-tigi wo lasɔrɔnna.

Kɛlɛ-Kurugbɛnu 16:18

A lɔn Dɛlaila bolo ko Samsin ara tonya-bɛrɛbɛrɛ le fɔ a ye wo la, a ya kilayɛ lata Filisiti mɔgɔ-ba wonu ma ka anu kele. “Wo na kɛ kelan rɔ. A ara tonya-bɛrɛbɛrɛ le fɔ n ye kɛ la gbɛ!” Anu ya a yili-madiya wodi-gbɛ minna ko la, anu nara wo la.