Kɛlɛ-Kurugbɛnu 16:17 - ALLALA KUMƐ

¹⁷ Tɔ-a-la, Samsin ya tonya-kumɛ fɔ a ye ko, “Kebi nde sɔrɔnta ha bi, nde kunyɛ kɛ ma matɛgɛ. Kebi n ma sɔrɔn bɛ, n dantɛgɛnɛ Mari ma iko Nansarannu. Ni mɔgɛ ya n kun-sigi kɛ matɛgɛ, n si foo n sɛnbɛ la.”

Kɛlɛ-Kurugbɛnu 16:17 ပူးပေါင်းရင်းမြစ်များ

Hɛnkilimaya-Kumɛnu 12:23

Hɛnkilimɛ ya ko-wo-ko lɔn, a ti a nyɛrɛ matɔgɔ wo rɔ kɔnɔ kuntan si lɔn ata kuntanya-kumɛnu fɛ.

Hɛnkilimaya-Kumɛnu 13:3

A ma i fɛrɛma kuma-tinɛ woletɔ i niyi la si tanka. Kɔnɔ mɔgɛ min ti a miri kuma-tinɛ, a si a nyɛrɛ kasara yona.

Hɛnkilimaya-Kumɛnu 29:12

Ni kun-tigi ya a tole masɔ foninya-fɔlɛnu na, ala mɔgɔ-ba bɛɛ si ma wunduyogenu na.

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.

Yilan-Yilan Koe 6:2

Isirɛla mɔgɛnu ma ko, “Kei wo, musi wo, ni min bi a fɛ ka a nyɛrɛ dantɛgɛ Mari ma, fɔ a ni lanyiri kiri anubɛ Mari tɛma ka a nyɛrɛ ma Nansaran la.

Yilan-Yilan Koe 6:5

“Mɔgɔ-wo-mɔgɔ tenbi lanyiri kɛ kɔrɔ, wo kana a kun-sigi matɛgɛ hali ka a buyɛ sii kamasɔrɔn a dantɛgɛnɛ Mari ma. Woletɔ a kun-sigi anubɛ a da-buyɛ si to koloyala tuma-wo-tuma.

Kɛwɔlɛnu 18:18

Pɔli ya tele siyaman bɔ Marita mɔgɛnu fɛ Kɔrɛnti soe burɔ. Wo kɔma, ale wo, Akuwila wo, anubɛ Purusila donta kulɔn rɔ ka ta Siriya nyamanɛ rɔ. Yanni a ni don kulɔn rɔ, a ya a kunyɛ sii Sɛnkariya soe burɔ bawo a ara a dato Alla ye nun.

Kɛlɛ-Kurugbɛnu 13:5

I kana ila dan wo kunyɛ matɛgɛ mumɛ bawo yanni a ni sɔrɔn, a dantɛgɛnɛ Mari ma iko Nansarannu. Ale fɔlɔn si Isirɛla mɔgɛnu kunka ka anu bɔ Filisitinu bolo.”

Kɛlɛ-Kurugbɛnu 16:16

Tele-wo-tele, a ye kirinkonaya-kuma-kelan wo le fɔla Samsin ye. Musi wo ya a yakɔrɔ-mamɔ wola ko la ha a kɔndɔfilita.

Kɛlɛ-Kurugbɛnu 16:18

A lɔn Dɛlaila bolo ko Samsin ara tonya-bɛrɛbɛrɛ le fɔ a ye wo la, a ya kilayɛ lata Filisiti mɔgɔ-ba wonu ma ka anu kele. “Wo na kɛ kelan rɔ. A ara tonya-bɛrɛbɛrɛ le fɔ n ye kɛ la gbɛ!” Anu ya a yili-madiya wodi-gbɛ minna ko la, anu nara wo la.