Kɛlɛ-Kurugbɛnu 15:8 - ALLALA KUMƐ

⁸ A kɛra anu ma wuyan, ka anu siyaman faga. Wo kɔma, a tara mɛ Itam faran la.

Kɛlɛ-Kurugbɛnu 15:8 ပူးပေါင်းရင်းမြစ်များ

2 Ko-Kɔrɔta-Karan 11:6

A ya tarɛ mini soe minnu ma, wonu tɔgɛ le kɛnu na, Bɛtalehɛm wo, Itam wo, Tekoya wo,

Aiseya 25:10

Mari si ata kɔnkɔ-sɛnimɛ lakanan kɔnɔ Mohabu kɛnu ta si tɛntɛn iko binyɛ anubɛ ninki-nyɛ yabasannɛ ninki kɔrɔ nya min.

Aiseya 63:3

Mari ko ale le kelen pe ya sibole wonu tatɛn iko nɔnbɔ-gbɔɛ. A ko sibolo-wo-sibolo ma a dɛnbɛ anu tatɛntɛnna. Ata fondo-bɔ-belebele le ya a ma, a ya anu nunku a tontɛ la. A ko ala duruki ara wulen mɔgɔ kɛnu yele-kuran la.

Aiseya 63:6

A ko a diminya-belebele kera wati min, a ya sibolenu tatɛntɛn. A ya anu yele-kuran-kuran rawuya dugi ma.

Hiburunu 11:34

Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.

Kɛlɛ-Kurugbɛnu 15:10

Yuda bɔnsɔn-mɔgɛnu ya anu manyinika ko, “Nfenna wo ye ma kɛlɛla?” Filisiti wonu ko, “Ma nara Samsin bira tinɛ ka ma tayili sara a la iko a ya min ma ma la nya min.”

Kɛlɛ-Kurugbɛnu 15:11

Yuda bɔnsɔn-mɔgɔ waga sawa tara Samsin taran Itam faran la. Anu ya a fɔ a ye ko, “I wara nfen ma ma la kɛ la? I ma a lɔn ko ma ye Filisitinu denu kɔrɔ, wa?” Samsin ya a fɔ anu ye ko, “N ya a ma Filisiti wonu na le dɔrɔn iko anu ya a ma n na nya min.”

Kɛlɛ-Kurugbɛnu 15:7

Samsin ya a fɔ anu ye ko, “E, wo ara a ma ka le? N ti n fara wo la fɔ n ba ban n tayili sarala wo la feufeu!”

Kɛlɛ-Kurugbɛnu 15:9

Filisitinu nara ka anu daga makɛ Yuda nyamanɛ rɔ. Anu nara Gbaga-Gbaga-Koloya mɔgɛnu tagbɛrɛn.