Kɛlɛ-Kurugbɛnu 15:19 - ALLALA KUMƐ

¹⁹ Alla ya dugu punsɔgɔ Gbaga-Gbaga-Koloya nyɔ. Yi bɔra duk! Samsin ya yi wo do min tumɛ min, a niyi sara a fɛrɛ rɔ ka sɛnbɛ sɔrɔn. Anu ya nyɔ kele ko, “Keleli Kɛlata tenke.” Ha bi, tenke kɛ ye Gbaga-Gbaga-Koloya.

Kɛlɛ-Kurugbɛnu 15:19 ပူးပေါင်းရင်းမြစ်များ

Ko-Dabirɛnu 16:13

Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.”

Ko-Dabirɛnu 28:19

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

Ko-Dabirɛnu 30:30

Kɔnɔ yanni n ni na yan, kolo-fen siyaman sa i bolo nun, ado kebi n nara, Allata duwɛ tora i kuma. Ila kolo-fannu tora sabatila. N bara n taya i ye nun kɔnɔ kaka, a fisa, n ni n taya n nyɛrɛ ma.”

Ko-Dabirɛnu 45:27

Yusufu ya a sara anu na kumɛ min bɛɛ la, anu ya wo dantɛgɛlɛ sa anu fa-kɛmɔgɛ ye. Yakoba ya kirindi wonu yen a yɛ la tumɛ min, Yusufu ya minnu nata a bi tinɛ, anu fa niyi bilara a rɔ tun.

Yaburi 110:7

Ale mansɛ si a min kila-dafɛ-yi-nɛ la. Wo kɔma, a si sɛnbɛ sɔrɔn alako a ni sɔ fanka rɔ ka nɔ-ko sɔrɔn.

Yaburi 120:1

N bi nanparan rɔ tumɛ min, n ya Mari rakele n dɛnbɛn-koe la, ado a ya n denkun.

Yaburi 34:6

Bolo-kolɔnnu ba di a dala, Mari si a wɔlɔ matɔlɔ anuna di-kɛ-kan la ka anu madɛnbɛ. A si anu bɔ anuna yakɔrɔ-mamɔɛnu tɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Bɔ-Koe-Iyipiti 17:15

Musa ya saraka-mintan-tinɛ sɔ ka a tɔgɔ sa “Nna kisi-koe falafalɛ le Mari la.”

Aiseya 40:26

I yɛ layɛlɛ san-kole ma. I yɛ ye lole minnu na wo la, yon ya wonu dan? Min bi anu tatalala iko kɛlɛ-dannu, wo le ya anu yirika lɔn, ado a bɛɛ kelen-kelennamɛ tɔgɛ ye a bolo. A fanka makawara, hali lolo kolo-kelen-bɛrɛn ti tantan sɔgɔ.

Aiseya 40:29

Min tafaganɛ, ado anu munna ara tɛgɛ, a si wonu sɛnbɛ don.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Yilan-Yilan Koe 20:11

A banta kumɛ kɛ fɔla tumɛ min, a ya Arunala sewuri wo layɛlɛ a kun tɛma ka farɛ wo gbesi wo la iko fila dɛgɛdɛgɛ! Kaka wo rɔ, yi tugura a rɔ. Mɔgɛ min bɛɛ ye nyɔ, anubɛ anuna kolo-fannu, wonu damasi ya anu min yi wo la ka wasa.

Kɛlɛ-Kurugbɛnu 15:9

Filisitinu nara ka anu daga makɛ Yuda nyamanɛ rɔ. Anu nara Gbaga-Gbaga-Koloya mɔgɛnu tagbɛrɛn.