Kɛlɛ-Kurugbɛnu 15:11 - ALLALA KUMƐ

¹¹ Yuda bɔnsɔn-mɔgɔ waga sawa tara Samsin taran Itam faran la. Anu ya a fɔ a ye ko, “I wara nfen ma ma la kɛ la? I ma a lɔn ko ma ye Filisitinu denu kɔrɔ, wa?” Samsin ya a fɔ anu ye ko, “N ya a ma Filisiti wonu na le dɔrɔn iko anu ya a ma n na nya min.”

Kɛlɛ-Kurugbɛnu 15:11 ပူးပေါင်းရင်းမြစ်များ

1 Ko-Kɔrɔta-Karan 4:3

Kelabu min tɔgɛ fanan Karimi, ala musi Ɛfarati, wota sarɛ le Huri la. Huri kɛ kegeyɛnuta so datɛgɛnɛ le Bɛtalehɛm na. Huri wo ya den-kei mɔgɔ sawa sɔrɔn, Itam wo, Pɛnuwɛli wo, anubɛ Ɛsɛri. Hurila den Itam wo ya den-kei mɔgɔ sawa sɔrɔn, Yɛsɛreli wo, Isima wo, anubɛ Idibasi. Itam wo ya dunmusi kelen sɔrɔn. Wo tɔgɛ le Hasɛlɛlɛponi. Hurila den Pɛnuwɛli kɛ le ya Kɛdɔ soe datɛgɛ. Hurila den Ɛsɛri ya Husa soe datɛgɛ.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Tɔn-Fɔɛ-Fila-Nyɔgɛ 28:13

Wota Mari Alla si a ma, wo si ma kun-tiginu na koe bɛɛ rɔ, ado wo ti to kɔma ko-wo-ko rɔ. Ni wo ya tɔn kɛnu bira, wo si to fan bɛɛsi kuma kɔnɔ wo ti to fenfen kɔrɔ.

Tɔn-Fɔɛ-Fila-Nyɔgɛ 28:43

“Sundan minnu bi wo tɛma, wonu fanka si koloya wotɛ ko, wole fanka ma si to yigila doni-doni!

Kɛlɛ-Kurugbɛnu 13:1

Isirɛla mɔgɛnu bilara Mari la ka hakɛ kɛ tun. Mari sɔnta ko anu ni to Filisitinu kɔrɔ san bi-nani.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

Kɛlɛ-Kurugbɛnu 15:10

Yuda bɔnsɔn-mɔgɛnu ya anu manyinika ko, “Nfenna wo ye ma kɛlɛla?” Filisiti wonu ko, “Ma nara Samsin bira tinɛ ka ma tayili sara a la iko a ya min ma ma la nya min.”

Kɛlɛ-Kurugbɛnu 15:12

Yuda bɔnsɔn-mɔgɛ wonu ko, “Ma nara yan ka i kiri ka i don anu bolo.” Samsin ya a fɔ anu ye ko, “Wo ni lanyiri kiri n ye ni wole ti na n faga.”