Kɛlɛ-Kurugbɛnu 14:6 - ALLALA KUMƐ

⁶ Marita sɛnbɛ yigira ale Samsin kuma. A ya yarɛ wo bira a bole la ka a rafara iko baa-bulan. Kɔnɔ a ma yarɛ wo faga-koe fɔ a fa anubɛ a na ye.

Kɛlɛ-Kurugbɛnu 14:6 ပူးပေါင်းရင်းမြစ်များ

Yaburi 91:13

I si ke tagamana yarɛnu tɛma. Hali duguma-fen-maralamɛnu, i si ke tagamana wonu kuma dɔfidɔfi!

Aiseya 42:2

A ti seren-seren mɔgɛ ma, ado a ti kuma a yisi ma. A ti nyɛɛ nyama ma barɛ rɔ.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Matiyu 11:29

Wo ni nta dunɛ bi ka wo sa wo kuma. Wo ni karan nde fɛ bawo n dinyanɛ, n famayiginɛ. Nba, wo si wo sulen worɔ.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Kɛlɛ-Kurugbɛnu 11:29

Marita sɛnbɛ yigira Yɛfɛta kuma. A bɔra Kaliyadi nyamanɛ rɔ ka ta tenbi Manasata nyamanɛ la. A sɛgimatoe tenbira Misipa soe rɔ Kaliyadi nyamanɛ rɔ. A bɔra nyɔ le ka ta Amonnu kan ma.

Kɛlɛ-Kurugbɛnu 13:25

Marita sɛnbɛ yigira Samsin kuma kɛlɛ-dannuna dagɛ rɔ Sora soe anubɛ Ɛsateyoli soe tɛma Dan nyamanɛ rɔ.

Kɛlɛ-Kurugbɛnu 14:19

Wo kɔma, Marita sɛnbɛ yigira Samsin kuma ka fanka di a ma. A tara Asikalɔn soe burɔ. A ya fonike mɔgɔ bi-sawa faga nyɔ. A ya wonuna kurɛnu bɔ anu ma ka anu gbu-makolɔn sani to. A tara wonuna kurɛ wonu di fonike mɔgɔ bi-sawɛ wonu ma minnu ya ala tili wo kɔrɛ fɔ. A yisi bɔnɛ tara a fa wara bɔn la.

Kɛlɛ-Kurugbɛnu 14:5

Woletɔ anubɛ a sɔrɔnnɛnu bi tala Timina soe burɔ tumɛ min, a ye tenbila nɔnbɔ-kurinu kɔrɔ soe wo da la. Samsin ya yara-bulan bɔrɔndɔ-bɔrɔndɔ-kan lamɔɛn. Yarɛ wo ye nala a magbenna.

Kɛlɛ-Kurugbɛnu 14:7

A ke Timina soe burɔ, a kumara sunkurɔn wo la. Sunkurɔn wo wara-koe diyara a ye.

Kɛlɛ-Kurugbɛnu 15:15

A ya sofɛlɛ gbaga-gbaga-kole sanɛ yen. A ya wo bi ka Filisiti mɔgɔ waga kelen faga wo la.

Kɛlɛ-Kurugbɛnu 15:8

A kɛra anu ma wuyan, ka anu siyaman faga. Wo kɔma, a tara mɛ Itam faran la.

Kɛlɛ-Kurugbɛnu 16:30

A ya a fɔ ko, “Hali mabɛ Filisitinu fagara ma nyɔgɔn fɛ, tana ma wo la.” A ya a sɛnbɛ bɛɛ labɔ ka sɛnbɛrɛn-kɔn wonu natuntun. Bɔn wo kerita. A buira anubɛ mansa lolɛ wonu kuma anubɛ mɔgɛ min bɛɛsi ye nyɔ. Samsin-fagamatoe ya mɔgɛ min nyɔgɔn faga wo wati rɔ, wonu siya ata mɔgɔ-faganɛnu ko wo tumɛ a ye a kɛndɛ la.

Kɛlɛ-Kurugbɛnu 3:10

Marita sɛnbɛ yigira a kuma. A mara Isirɛla mɔgɛnuna kɛlɛ-kurugbɛ la. A tɛ Mɛsopotemiya nyamani-tigi anubɛ ala kɛlɛ-dannu kɛlɛ tinɛ, Mari ya a ma, a ya wonu nɔ.

1 Samuwɛli 10:16

Sɔli ya a yabi ko, “A ya a fɔ ma ye le ko sofɛlɛ wonu bara yen.” Kɔnɔ Samuwɛli ya kumɛ min fɔ a la mansaya-koe rɔ, a ma wonu takaran a berin ye.

1 Samuwɛli 10:6

Tiriyante wo rɔ, Marita Sɛnbɛ si yigi i kuma. I fanan si kofu anu ma dɔn-kɛ anubɛ wɔlɔyiya-kuma-fɔɛ rɔ iko anu denu. Ila ko-ladan-nya bɛɛ si yɛlɛma. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 11:6

Ale Mansa Sɔli ya kumɛ wo lamɔɛn min kɛ, Allata Sɛnbɛ yigira a kuma. A yisi bɔra dɔgɔma-ma-de!

1 Samuwɛli 14:1

Kemini-mɛsɛ min bi Yonatanna kɛlɛ-miran madununa, lunyɛ do, ale Yonatan ya a fɔ a ye ko, “Ma ta Filisitinuna dagɛ rɔ.” Kɔnɔ a ma kɛ fɔ a fa Mansa Sɔli ye.

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.