Kɛlɛ-Kurugbɛnu 14:5 - ALLALA KUMƐ

⁵ Woletɔ anubɛ a sɔrɔnnɛnu bi tala Timina soe burɔ tumɛ min, a ye tenbila nɔnbɔ-kurinu kɔrɔ soe wo da la. Samsin ya yara-bulan bɔrɔndɔ-bɔrɔndɔ-kan lamɔɛn. Yarɛ wo ye nala a magbenna.

Kɛlɛ-Kurugbɛnu 14:5 ပူးပေါင်းရင်းမြစ်များ

2 Samuwɛli 23:20

Yɛhoyadala den Bɛnaya, Kabisili kɛ, kɔni, kɛlɛ-kɛla-wɛ do le ale fanan na. Ale fanan ya kerinteya ko-siyaman kɛ. Mohabu kɛnuna kɛlɛ-kɛla-nyana mɔgɔ fila ye nyɔ, ale ya wonu faga. Lun kelen kima-wati rɔ, ado dugi manamanɛ, a donta denkɛ la ka yara kelen faga nyɔ.

1 Ko-Kɔrɔta-Karan 11:22

Yɛhoyadala den Bɛnaya, Kabisili kɛ, kɔni, kɛlɛ-kɛla-wɛ do le ale fanan na. Ale fanan ya kerinteya-ko-siyaman kɛ. Mohabu kɛnuna kɛlɛ-kɛla-nyana mɔgɔ fila ye nyɔ, ale ya wonu faga. Lun kelen kima-wati rɔ, ado dugi manamanɛ, a donta denkɛ la ka yara kelen faga nyɔ.

Yaburi 91:13

I si ke tagamana yarɛnu tɛma. Hali duguma-fen-maralamɛnu, i si ke tagamana wonu kuma dɔfidɔfi!

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Yasowa 15:10

A miniminita Kiriyati-Yirɔm tele-yigi-fan ma Sira kɔnkɛ wara la. A tara Yiyarim kɔnkɛ kantɔ, anu bi min kelela ko Kɛsalɔn ka yigi Bɛti-Simɛsi ha ka tenbi Timina soe la.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

Kɛlɛ-Kurugbɛnu 14:6

Marita sɛnbɛ yigira ale Samsin kuma. A ya yarɛ wo bira a bole la ka a rafara iko baa-bulan. Kɔnɔ a ma yarɛ wo faga-koe fɔ a fa anubɛ a na ye.

1 Samuwɛli 17:35

n si a sagaran ka ta a bi a da la. Ni yarɛ anubɛ soge wo ya a yɛ lamunun n na ka n kɛlɛ, n si a bira a kan ma ka to a gbesila ha a ni faga.