Kɛlɛ-Kurugbɛnu 14:3 - ALLALA KUMƐ

³ A fa anubɛ a na ya a fɔ a ye ko, “Ile ma musi nyini i na-kelen-nyɔgɛnu tɛma, fɔ i ni ta Filisiti-kemininyabɛlɛ wonu barɛ musi nyini tinɛ?” Samsin ya a fɔ a fa ye ko, “A sɔgɛ ye n na, wo ni wo le furu nde ye bawo wo lela ko di n ye.”

Kɛlɛ-Kurugbɛnu 14:3 ပူးပေါင်းရင်းမြစ်များ

Ko-Dabirɛnu 13:8

Burama ya a fɔ Lɔti ye ko, “Kɛlɛ-nyɔgɔnyɛ ma bɛn mabɛ ile Lɔti tɛma kamasɔrɔn na-kelen-nyɔgɔma filɛ le mabɛ la.

Ko-Dabirɛnu 21:27

Wo kɔma, Iburayima ya sagɛ anubɛ ninki do bi ka wonu di mansɛ wo ma. Anu mɔgɔ filɛ bɛɛ ya lanyiri kiri anu nyɔgɔn tɛma.

Ko-Dabirɛnu 34:14

Daina kɔrɔ-keminɛnu ya a fɔ anu ye ko, “Ma ti ke ma dɔgɔ-musi dila bilakore ma kamasɔrɔn wo si ma ma lamiliyɛ anubɛ ma lafɛyali-koe la.”

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

Yasowa 23:12

“Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,

Kɛlɛ-Kurugbɛnu 14:2

A sɛgira a fa warɛ ka a fɔ a fa anubɛ a na ye ko, “N ya Filisitinuna dunmusi do yen Timina soe burɔ. A sɔgɛ ye n na, wo ni a furu n ye.”

Kɛlɛ-Kurugbɛnu 15:18

Ale Samsin kan lagbalata dɔgɔma-ma-de! A ya Mari rakele, a ko, “I wara a ma, n bara mɔgɛ kɛnu nɔ bi. Kɔnɔ n kan la ara gbala nya min kɛ la, Filisiti-kemininyabɛlɛ kɛnu si na n suyi taran kɔrɛ, yɔ!”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 31:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.