Kɛlɛ-Kurugbɛnu 14:20 - ALLALA KUMƐ

²⁰ A biran-kei ya Samsinna musi kɛ wo bi ka wo di ala sanka-dunɛ wo ma min bi ladɛn wo rɔ kɔnɔ a ya wo ma dogon tɔ.

Kɛlɛ-Kurugbɛnu 14:20 ပူးပေါင်းရင်းမြစ်များ

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Yɛrɛmaya 9:5

Bɛɛ ye foninyɛ fɔla a diyana-mɔgɛ kan ma. Tonya-fɔla fenfen sa anu tɔ. Wole Yuda kɛnu bi wo nagan nadurula foninya-fɔɛ ma. Hakɛ ara wo rafaga kɔlɔbɔ!

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.

Yɔni 13:18

“N sa kɛ bɛɛ fɔla wo damasi ma. N bara minnu yabɔ, n ya wonu lɔn. Kɔnɔ min sɛbɛnɛ Allata kitabu rɔ, fɔ wo ni bɔ-a-la. A sɛbɛnɛ ko, ‘Mabɛ min bara ma bole layigi miran kelan rɔ, wo ara a kan-kɔ sɔ n na.’

Yɔni 3:29

“Furu-kiri rɔ, kɔɛn-kurɛ ye min bolo, musu-tigi le wo la. Musu-tigi wo dafɛ-sɔlɛ sɔnɛ ka a tole masɔ. A wa musu-tigi sewa-kan lamɔɛn tumɛ min, ale fanan si sewa. Nta sewɛ kɛ da fanɛ wo nya le.

Kɛlɛ-Kurugbɛnu 15:2

a ko, “N ya a lɔn ko nna den ma di i ye, wo le ya a to, n ya a di i ta-nyɔgɛ ma. I ma a dɔgɔ-sunkurɔn yen? Wo kin ale ko pirr! I ti wo furu?”

Kɛlɛ-Kurugbɛnu 15:6

Filisitinu tora ta-tugulɛ wo nyinina. Tɔ-a-la, anu ya a lɔn ko Samsin gbɛ le bawo a biran-kei, Filisiti Timina kɛmɔgɛ, kɔni, wo ya ala dunmusi bi a bolo ka a di ale Samsin ta-nyɔgɛ ma. Woletɔ Filisitinu ya anu kundɛn ka ta kei wo anubɛ ala dunmusi wo mintan bɔn la.

1 Samuwɛli 18:19

Kɔnɔ Mɛrabu don-wati kenɛ Dawuda bolo, anu ya furi wo mayɛlɛma ka a di kei-gbɛrɛkɛ ma min tɔgɛ Adiriyɛli. Mɛhola kɛ le wo la.