Kɛlɛ-Kurugbɛnu 14:17 - ALLALA KUMƐ

¹⁷ Tele wɔrɔnfilɛ wo toe min tonɛ, a tora Samsin yakɔrɔ-mamɔla diyi-kɛ la. A tele wɔrɔnfila nyɔgɛ wo ma, Samsin ya a kɔrɛ fɔ ala musu-nɛ ye bawo tuma-wo-tuma a ye a fɔla a ye diyi-kɛ la a bolo. Ala musu-nɛ wo tara tili wo kɔrɛ fɔ Filisitinu mɔgɔ bi-sawɛ wonu ye.

Kɛlɛ-Kurugbɛnu 14:17 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

Yobu 2:9

Ala musi ya a fɔ a ye ko, “Ha bi, i ye Alla fɛ? Nfenna i sa kuma-yogomɛ fɔla a ma alako a ni i wara-koe ka-a-la kelenna?”

Hɛnkilimaya-Kumɛnu 7:21

A ya keminɛ wo bolo labira ala darɔ-diyɛ la.

Yɛrɛmaya 9:3

Mari ko wo dɛ ye kumɛ filila mɔgɛ ma iko kalɛ. Foninyɛ ye gbanna wo dɛ rɔ iko kalabɛn. Sɛnbɛ ye foninyɛ bolo nyamanɛ rɔ ka tenbi tonyɛ la. Wo tenbi wo kian bɔla ko-yogoma-kɛ rɔ, wo ye wo kian bilala dogbɛrɛ tɔ. Mari ko wo ma a lɔn min bi ale la.

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.

Luka 11:8

N bi a fɔla wo ye, hali a ma a lasɔ ka biredi di i ma ka a tɛgɛ wola diyanayɛ ma, i ma miliya ka to a manyinikala min kɛ, i makoe ye fan min na, a si a lasɔ ka wo bɛɛ di i ma.

Kɛlɛ-Kurugbɛnu 14:16

Samsinna musu-nɛ ya a manugu-nɛgɛ diyi-kɛ la a bolo. A ya a fɔ a ye ko, “I ko n di i ye kɔnɔ n ma la wo la. I wara tili tɛgɛ nna mɔgɛnu ye kɔnɔ i ma a kɔrɛ fɔ nde ye.” Samsin ya a fɔ a ye ko, “N ma min fɔ n na anubɛ n fa ye, n si wo fɔ ile le ye, wa?”

Kɛlɛ-Kurugbɛnu 14:18

Wulɔn wo wurɛ la, mɔgɔ bi-sawɛ wonu nara Samsin wara ka a fɔ a ye ko, “Nfen sufa di liyi ko? Nfen sufa ragbɛlɛ yarɛ ko?” Samsin ya a fɔ anu ye ko, “Ni wo ma nna nyɛnkumɛ kɛ manugu-nɛgɛ nun, wo ti ke tulɛ kɛ bɔla a dɛ la nun, wo ti nna tili kɛ kɔrɛ lɔn nun muk!”

Kɛlɛ-Kurugbɛnu 16:13

Musi wo ya a fɔ ale Samsin ye ko, “Ha bi, i ye n mayuwaya-tinɛ le. Tonyɛ fɔ n ye. N si i kiri nya min, wo fɔ n ye.” Samsin ko, “Fɔ i ni n kun-sigi kɛ fara sigi tina wɔrɔnfila la ka a ma iko yesi-kole. I ni n kun-sigi wo kɛ niri rɔ ka a dan iko kurɛ ka ta a sore wonu kiri kɔlɔma la min gbangbannɛ dandan ma. Ni i ya wo ma, n na si tinya iko mɔgɛ bɛɛ.” Dɛlaila ya a ma ha Samsin kinɔgɔra a kian kuma. A ye kinɔgɛ wo rɔ tumɛ min, Dɛlaila ya Samsin kun-sigi wo dan

Kɛlɛ-Kurugbɛnu 16:16

Tele-wo-tele, a ye kirinkonaya-kuma-kelan wo le fɔla Samsin ye. Musi wo ya a yakɔrɔ-mamɔ wola ko la ha a kɔndɔfilita.

Kɛlɛ-Kurugbɛnu 16:6

Dɛlaila ya a fɔ Samsin ye ko, “Samsin, i yandi, i si i sɛnbɛ sɔrɔn nya min, wo fɔ n ye. Mɔgɛ si nfen ma i la min si a ma, i ni foo i sɛnbɛ la alako i si kiri nya min.”