Kɛlɛ-Kurugbɛnu 14:15 - ALLALA KUMƐ

¹⁵ A tele nani nyɔgɛ ma, anu ya a fɔ Samsinna musu-nɛ ye ko, “Wo ya ma kele wola ladiyɛ kɛ kuma alako ka ma bolo kolonya, nyɛ? A ma, ila kei ni tili kɛ kɔrɛ fɔ i ye woletɔ ma si a lɔn i bolo. Ni wo ma, ma si tɛ tugu i fala bɔn la ka wo dama mintan gburr!”

Kɛlɛ-Kurugbɛnu 14:15 ပူးပေါင်းရင်းမြစ်များ

Hɛnkilimaya-Kumɛnu 1:11

Ni anu ya a fɔ i ye ko, “Na, ma ni ta baga mɔgɛ do ma ka a faga alako ma ni ma nyɛrɛ ladiya. Ma si a kɛndɛ taran kɔnɔ ma bɔmatoe si a suyi to nyɔ.” I kana sɔn wo ma.

Hɛnkilimaya-Kumɛnu 5:3

Tumado, kei-gbɛrɛla musi da-gbole si diya i ye iko liyi, ado ala kuma-diyamɛnu si i bolo labira

Hɛnkilimaya-Kumɛnu 6:26

Yɛlan si i wara-koe lafɛya iko biredi-sɔnkɛ, ado mɔgɔ-gbɛrɛla musi si i lapɛrɛn ha a ni i niyi lato a rɔ.

Maika 7:5

Dannu si anu fanu lɔn yuwɛnu na. Den-sunkurɔnnu si tɛgɛ anu nanu tɔ kasikasi! Musunɛ minnu ba ta kei-wara-sigi rɔ, wonu si anu mamanu kɛlɛ. Kei bɛɛ yoge si ma ala bonna-mɔgɛ la. Wo ni a ma wo fɛrɛma kuma tinɛ. Wo kana wo kɔntɔ-koenu fɔ wo diyana-mɔgɛnu yala hali wola musinu.

Kɛlɛ-Kurugbɛnu 12:1

Ifɛrɛm bɔnsɔn-mɔgɛnu fanan ya anu mabɛn kɛlɛ-kɛ-koe la. Anu ya Yorodan bɛ tɛgɛ ka ta Sefon soe burɔ Yorodan bɛ tele-bɔɛ wara la. Anu ya a fɔ Yɛfɛta ye ko, “Nfenna i tara Amonnu kɛlɛ, i ma ma kele? Ma si ila bɔn mintan i kuma.”

Kɛlɛ-Kurugbɛnu 14:14

A ya a fɔ anu ye ko, “Dɔn-fan bɔra fen-dɔnnɛ rɔ. Fen-diyamɛ bɔra sɛnbɛ-tigi rɔ.” Tele sawa anu bi ala tili kɛ kɔrɛ nyinina kɔnɔ anu ma a nya-yen.

Kɛlɛ-Kurugbɛnu 15:6

Filisitinu tora ta-tugulɛ wo nyinina. Tɔ-a-la, anu ya a lɔn ko Samsin gbɛ le bawo a biran-kei, Filisiti Timina kɛmɔgɛ, kɔni, wo ya ala dunmusi bi a bolo ka a di ale Samsin ta-nyɔgɛ ma. Woletɔ Filisitinu ya anu kundɛn ka ta kei wo anubɛ ala dunmusi wo mintan bɔn la.

Kɛlɛ-Kurugbɛnu 16:5

Filisitinuna mansɛnu nara musi wo wara. Anu ya a fɔ a ye ko, “Samsin si a fanka sɔrɔn nya min, i ni fɛrɛ nyini a bolo ha a ni a fɔ i ye. Ni i ya wo ma, ma kelen-kelennamɛ-bɛɛ si wodi-gbɛ-gbu waga kelen kɛmɛ kelen (1,100) di i ma. I ni fɛrɛ nyini ma ye, ma si a bira nya min ka a kiri.”