Kɛlɛ-Kurugbɛnu 13:6 - ALLALA KUMƐ

⁶ Wo kɔma, musi wo tara a fɔ ala kei ye ko, “Mɔgɛ do ara na ka bɔ Alla wara. A makilannɛ iko Allala melika. N ma a manyinika a bɔ tinɛla ko ma, ado a ma a tɔgɛ fɔ n ye.

Kɛlɛ-Kurugbɛnu 13:6 ပူးပေါင်းရင်းမြစ်များ

Ko-Dabirɛnu 18:2

A ya a yɛ lata ka kei sawa sɔnɛ yen wulɛ la. A ya anu tagbɛ tumɛ min, a burimatoe bɔra fani-bɔn la ka anu nabɛn. A ya a laburun a ma dugi ma anu kɔrɔ.

Ko-Dabirɛnu 32:29

Yakoba ya ale fanan manyinika ko, “Ile fanan tɔgɛ kama?” Kei wo ko, “I ye n tɔgɔ lɔn-koe rɔ kama?” A duwara Yakoba ye nyɔ ka a masara a la.

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 17:24

Musi wo ya a fɔ a ye ko, “N bara a lɔn gbɛ ko Allata mɔgɔ-bɛrɛbɛrɛ le ile la. Ile ye kumɛ minnu fɔla, wonu bɔra Mari le bolo.”

2 Mansɛnu 4:16

Nɛbi Ilaisa ya a fɔ musi wo ye ko, “Kɛ-nyɔgɔn-tumɛ yari, a si a taran, den-kei siginɛ i kɔnkɔn tɔ.” Musi wo ko, “N fa, i yandi, Allata mɔgɛ le ile la. I kana foninyɛ fɔ n ye.”

2 Mansɛnu 4:9

Musi wo ya a fɔ ala kei ye ko, “Kei min bi nala ma wara tuma-wo-tuma, Allata mɔgɔ-sɛnimɛ le.

Bɔ-Koe-Iyipiti 3:2

Mari nara melikala muninyɛ rɔ. A ya a sigi kɔlɔma-nɛ do rɔ iko ta-mɛlan. Musa ya a mafɛlɛn, tɛ ye kɔlɔma wo la kɔnɔ a sa a mintanna.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Daniyɛli 10:11

Melika wo ya a fɔ n ye ko, “Ile Daniyɛli, i di Alla ye. I lasɔ. I ni i tole masɔ n kuman-kan kɛ la n bi min fɔla i ye. Alla le ya n sɔ i wara.” Wo ban kɛ fɔla, n ya n nasɔ kɔnɔ ha bi, n bi yɛrɛyɛrɛnna.

Daniyɛli 10:5

N ya n yɛ lata ka melika sɔnɛ yen iko hadama-dan, linɛn-kurɛ bilanɛ a kan na, a buta kirinɛ sɛnɛ-hakikɛ la.

Daniyɛli 8:17

Yibirila nara sɔ n dafɛ min kɛ, n kilanta dɔgɔma-ma-de ka n gbesi dugi la a kɔrɔ. Ale Yibirila ya a fɔ n ye ko, “Hali hadama dan le ile la, a sɔgɛ ye n na, i ni ko-rayen kɛ kɔrɛ lɔn. Ko-rayen kɛ kolomɛ le duninyala ban-koe la.”

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Luka 9:29

A ye Alla madiyala tumɛ min, a yakɔrɛ yɛlɛmanta. Ala kurɛ gbɛra perr!

Kɛwɔlɛnu 6:15

Mɔgɛ min bɛɛ siginɛ kun-tiginuna ladɛn wo rɔ, wonu ya anu yɛ sɔ Sitifen la. Anu ya a yen a yakɔrɛ manɛ iko melika yakɔrɛ.

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

Yasowa 14:6

Yuda bɔnsɔn-mɔgɛ donu nara Yasowa wara Kiligali. Kelabu min bɔra Kɛnasi bɔnsɔn rɔ (a fa tɔgɛ le Yɛfunɛ), wo ya a fɔ Yasowa ye ko, “Mari ya min fɔ Musa ye male mɔgɔ filɛla ko la wo tumɛ ma ye Kɛdɛsi-Baniya, i ya wo lɔn.

Lankɛnimayɛ 1:17

N ya a ragbɛ min kɛ, n buira a kin kɔrɔ iko mɔgɔ-faganɛ. A ya a kɔɛn-nyimɛ sa n ma. A ko, “I kana kilan! A fɔlɔtɛ anubɛ a laban le nde la.

Kɛlɛ-Kurugbɛnu 13:10

Musu-burimatoe tara a fɔ ala kei ye ko, “Kei min nara n bara wulɔn, a ara na tun de!”

Kɛlɛ-Kurugbɛnu 13:22

Manowa ya a fɔ ala musi ye ko, “Ma ye fagala le serr, bawo ma ara Alla yen ma yɛ la.”

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.

Kɛlɛ-Kurugbɛnu 13:7

A ya a fɔ n ye ko a ti mɛ tun, n si buyi bi ka den-kei sɔrɔn. A ko fenfen min si mɔgɔ kun tafin, n kana wo min. N kana fenfen dɔn fanan min sɛninyani ma bawo yanni dan wo ni sɔrɔn, a ko a dantɛgɛni de Mari ma iko Nansarannu ha a si faga.”

Kɛlɛ-Kurugbɛnu 13:8

Musi ban wo fɔla, Manowa ya Mari madiya, a ko, “I yandi Mari, n bara i madiya. Ila mɔgɛ wo lana tun. A ni na ma karan dan wo makolo bole la.”

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

1 Samuwɛli 2:27

Nɛbi do nara Marila kilayɛ lake Ilayi ma, “I benba Aruna anubɛ ala denbayɛ ye yɔɔnyɛ rɔ Iyipiti mansɛ kɔrɔ tumɛ min, ale Mari ko a ya a nyɛrɛ yira a la nyɔ.

1 Samuwɛli 9:6

Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”