Kɛlɛ-Kurugbɛnu 13:20 - ALLALA KUMƐ

²⁰ Ta-mɛlan ye yɛlɛla san ma tumɛ min, melika wo, Mari, kɔni, wo yɛlɛta ta-mɛlan wo rɔ san-kole rɔ. Manowa anubɛ ala musi ya anu naburun a ma dugi ma.

Kɛlɛ-Kurugbɛnu 13:20 ပူးပေါင်းရင်းမြစ်များ

Ko-Dabirɛnu 17:3

Burama ya a laburun a ma dugi ma ka Mari bato. Alla ya a fɔ a ye ko,

2 Mansɛnu 2:11

Anu tora anu matagamana ka kuma anu nyɔgɔn fɛ, tiriyante wo rɔ, soeenu anubɛ anuna kirindinu yigira ta-mɛlan la anu bolo ka anu fara. Wo kɔma, tɔnkɔlɔn wo yɛlɛta Nɛbi Ilaya la san ma.

1 Ko-Kɔrɔta-Karan 21:16

Mansa Dawuda ya ale niyi-bɔ-melika yen sɔnɛ san anubɛ dugu tɛma. Faan ye a bole la. A ye Yerusalɛm kasara-koe rɔ. Mansɛ anubɛ ala mɔgɔ-banu ya kasa-duruki don anu kan na. Anu damasi ya anu madu ka anu kunyɛ gbangban dugu ma.

1 Ko-Kɔrɔta-Karan 21:21

Arɔna ya a yɛ lata ka Mansa Dawuda yen nala ala sɛnɛ rɔ. A bɔra gbere-kole wo ma ka ta a sa dugu ma Mansa Dawuda kɔrɔ.

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Isikiyɛli 1:26

N ya fan do yen fan wo fanan kuma nyɔ rɔ. Wo mani de iko mansaya-waganɛ min nadannɛ kuru-da-gbɛlɛ-bilolamɛ la. Min siginɛ waganɛ wo rɔ, wo mani de iko hadama-dan.

Isikiyɛli 1:28

ado a yabasannɛ iko san-yili, bandɛ wa ka tumɛ min. Wan-belebele kɛ su ti taran kan-bo-kan fɔ Alla ye kan min ka a tɛgɛ Marita gbiliyɛ ma. Kɛ yen n bolo, n ya n naburun a ma dugu ma. Wo kɔma, n ya kuman-kan lamɔɛn.

Daniyɛli 10:9

Ale mɔgɔ-makawanɛ kɛ kan lamɔɛn n bolo, n kirɔnta-a-la. N naburunta a ma dugi ma.

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Matiyu 17:6

Karan-dannu ya kuman-kan wo lamɔɛn tumɛ min, anu kumakɔra kati! Anu ya anu nyɛrɛ gbesi dugi la.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Kɛlɛ-Kurugbɛnu 6:19

Kidiyɔn burimatoe tara bɔn la. A ya baa-den kelen faga ka a lakaliya wo tela. A ya dɛgɛ-munku-gbɛngbɛnnɛ pani-kunbɛ-nya tan bi ka wo ma biredi-dɛnfɛnɛ la. A ya kɛkɛ-tenɛ wo sa sende rɔ ka manfen-yi wo to dagɛ rɔ. A tara wonu to Mari ma kɔlɔma-kuri wo kɔrɔ.

Kɛlɛ-Kurugbɛnu 6:21

Mari ya ala sewuri tugu soge wonubɛ biredi wo la. Tɛ bɔra farɛ wo rɔ ka biredi anubɛ soge wo mintan gburr! Wo kɔma, Mari tununta a ma yen!