Kɛlɛ-Kurugbɛnu 13:1 - ALLALA KUMƐ

¹ Isirɛla mɔgɛnu bilara Mari la ka hakɛ kɛ tun. Mari sɔnta ko anu ni to Filisitinu kɔrɔ san bi-nani.

Kɛlɛ-Kurugbɛnu 13:1 ပူးပေါင်းရင်းမြစ်များ

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Romu 2:6

bawo Alla si mɔgɛ bɛɛ sara kelen-kelenyɛ ma anuna kɛwɔlɛla ko la.

Hiburunu 11:32

N ni misalɛ do yira wo la tun, ba? Wati-yan sa n bolo ka Kidiyɔnna koe fɔ anubɛ Bɛraki anubɛ Samsin anubɛ Yɛfɛta anubɛ Mansa Dawuda anubɛ Samuwɛli anubɛ a nɛbi-toenu.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 12:15

A fagara tumɛ min, anu ya a togon Pairetɔn soe burɔ Amalɛkinu tɛma Ifɛrɛmta kɔnkɔ-nyamanɛ rɔ.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

Kɛlɛ-Kurugbɛnu 15:11

Yuda bɔnsɔn-mɔgɔ waga sawa tara Samsin taran Itam faran la. Anu ya a fɔ a ye ko, “I wara nfen ma ma la kɛ la? I ma a lɔn ko ma ye Filisitinu denu kɔrɔ, wa?” Samsin ya a fɔ anu ye ko, “N ya a ma Filisiti wonu na le dɔrɔn iko anu ya a ma n na nya min.”

Kɛlɛ-Kurugbɛnu 15:20

San mogan kɔrɔ, Samsin ye kɛlɛ-kurugbayɛ la Isirɛla mɔgɛnu kun na wo tumɛ anu bi Filisitinu kɔrɔ.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.

Kɛlɛ-Kurugbɛnu 4:1

Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 6:1

Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.

1 Samuwɛli 12:9

Kɔnɔ hali wo, wo benbanu nyinara anuta Mari Alla ko. Woletɔ Mari ya a ma, Filisitinu wo, Mohabu mansɛ anubɛ ala mɔgɛnu wo, anubɛ Sisara min bi Hesɔ soe kɛlɛ-dannu kun na, wonu tara bui wo benbanu ma ka anu nɔ.

1 Samuwɛli 4:9

Kɔnɔ hali wo, male Filisitinu, ma ni ma kerinteya wona. Ma ni anu kɛlɛ iko kei si kɛlɛ kɛ nya min. Ni ma ma wo ma, male si ma yɔɔnnu na Hiburu kɛnu kɔrɔ iko anu denu fanan bi yɔɔnyɛ la ma kɔrɔ nya min nun. Woletɔ ma ni ma sɛbɛ don wona ka kɛlɛ kɛ iko kei si kɛlɛ kɛ nya min.”

1 Samuwɛli 7:13

Anu ya Filisitinu nɔ. Mari ya a ma, anu ma ke Isirɛla mɔgɛnu nɔla Samuwɛlita wati rɔ.