Kɛlɛ-Kurugbɛnu 12:5 - ALLALA KUMƐ

⁵ Kaliyadi kɛnu ya kilɛ tɛgɛ Ifɛrɛm bɔnsɔn-mɔgɛnu ma Yorodan bɛ tɛgɛ tinɛnu tɔ alako anu kana na sɛgi ka ta anu barɛ nyamanɛ rɔ tun. Ifɛrɛm bɔnsɔn-mɔgɛ minnu ba wuli tenbila nyɔ, anu si a manyinika ko, “Ifɛrɛm bɔnsɔn-mɔgɛ do le ile la?” Ni a ya a fɔ ko, “Ade!”

Kɛlɛ-Kurugbɛnu 12:5 ပူးပေါင်းရင်းမြစ်များ

1 Mansɛnu 11:26

Nebatila den Yɛrabowami min bɔra Sɛrɛda soe burɔ Ifɛrɛm nyamanɛ rɔ, Mansa Silamɛnina mɔgɔ-ba do le ale la. A na tɔgɛ le Seruwa. Kɛɛ-musi le wo la. Ale Yɛrabowami murutiyara Mansa Silamɛni ma.

Yasowa 2:7

Mansɛla kilayɛnu bɔra soe tumɛ min, mɔgɛ do ya tarɛ dɛ latogon anu kɔma. Kilayɛnu tara Isirɛla mɔgɛnu sagaranna ha ka ke Yorodan bɛ ma.

Yasowa 22:11

Kɔnɔ Isirɛla mɔgɛ toenu ya a lamɔɛn tumɛ min ko anu ta-nyɔgɛnu bara saraka-mintan-tinɛ ladan, anu ya anu nyɔgɔn nadɛn Sailo soe burɔ ka ta anu ta-nyɔgɛnu kan ma.

Kɛlɛ-Kurugbɛnu 12:4

(Ifɛrɛm kɛnɛna a fɔla nun anu bɔnsɔn-mɔgɛ doinu ma Kaliyadi nyamanɛ rɔ ko, “Wole Kaliyadi kɛnu, fenfen ma wo le la bawo wo ya wo buri male Ifɛrɛm anubɛ Manasa sorɔ-mɔgɛnu kɔrɔ.”) Bawo Ifɛrɛm bɔnsɔn-mɔgɛ minnu bi Kenan nyamanɛ rɔ, wonu bara kuma-yogomɛ kɛ su fɔ anu na-kelen-nyɔgɛnu ma minnu tara sigi Kaliyadi nyamanɛ rɔ, wo le ya a ma, Yɛfɛta ya Kaliyadi kɛlɛ-dannu nadɛn Kaliyadi nyamanɛ rɔ ka ta Ifɛrɛm mɔgɛnu kɛlɛ tinɛ. Yɛfɛta ya nɔ-ko sɔrɔn Ifɛrɛm bɔnsɔn-mɔgɛnu ma.

Kɛlɛ-Kurugbɛnu 12:6

Nba, anu si a manyinika kumɛ do ma a dɛ ra ma di min fɔɛ ma. Ni min ma ke wo fɔla, anu si a bira ka a faga nyɔ bawo a ma ke kumɛ wo fɔla a kila-bɛrɛbɛrɛ fɛ. Wulɔn tele rɔ, Kaliyadi kɛnu ya Ifɛrɛm bɔnsɔn-mɔgɔ waga bi-nani ani mɔgɔ waga fila (42,000) faga.

Kɛlɛ-Kurugbɛnu 17:7

Wo wati rɔ, Lifayi bɔnsɔn keminɛ-mɛsɛ do siginɛ Bɛtalehɛm soe burɔ Yuda nyamanɛ rɔ.

Kɛlɛ-Kurugbɛnu 3:28

A ya a fɔ wonu ye ko, “Wo ni bila n fɛ. Mari ara wo yoge Mohabunu don wo bolo tɔ bi.” Anu bilara Ehudi fɛ. Mohabunu si Yorodan bɛ tɛgɛ kan min, anu ya nyɔ bira-a-la. Anu ma sɔn Mohabunu ni tenbi nyɔ mumɛ!

Kɛlɛ-Kurugbɛnu 7:24

Kidiyɔn ya kilayɛ lata Ifɛrɛm bɔnsɔn-mɔgɛnu ma minnu siginɛ nyɔ-kɔnkɔ-nyamanɛ rɔ, a ko, “Wo na ma dɛnbɛ ma yogenu kɛlɛla ka kilɛ tɛgɛ anu ma Yorodan bɛ anubɛ yi-mɛsɛnu dafɛ ma yarɔ.” Ifɛrɛm bɔnsɔn-mɔgɛnu ya Yorodan bɛ anubɛ a dafɛ yi-mɛsɛnu bira-a-la ha ka ta ke Bɛti-Bara soe burɔ iko Kidiyɔn ya a sara anu bara nya min.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.